താനും അതിഥിയും തമ്മിലുള്ള വിവാഹം മധുരയിൽ വെച്ച് നടന്നു എന്ന നിലപാടിൽ ഉറച്ച് നിന്ന് അഭി ശരവണൻ. തുടര്‍ന്ന് വിവാഹ സര്‍ട്ടിഫിക്കറ്റും ഒരുപാട് ചിത്രങ്ങളും നടന്‍ പരസ്യപ്പെടുത്തി. ഇപ്പോഴിതാ അഭിയെ അതിഥിയെ വിവാഹം കഴിക്കുന്ന സ്വകാര്യ വിഡിയോയും സമൂഹമാധ്യമങ്ങളിലൂടെ പുറത്തായിരിക്കുന്നു. ഒരു റൂമിൽ ഇരുവരും ഒന്നിച്ചുള്ള സ്വകാര്യനിമിഷങ്ങളാണ് ഇന്റർനെറ്റിലൂടെ പുറത്തായത്.
തനിക്കെതിരെ വ്യാജ തെളിവുകൾ ഉണ്ടാക്കിയിരിക്കുകയാണ് അഭിയെന്ന് അഥിതി ആരോപിക്കുന്നു. ഇരുവരും പ്രണയത്തിലായിരുന്നുവെന്നും എങ്കിലും വിവാഹം കഴിച്ചിട്ടില്ലെന്നും നടി പറഞ്ഞു. വ്യാജ സർട്ടിഫിക്കറ്റ് ഉണ്ടാക്കിയതിന് കേസ് കൊടുത്തിട്ടുണ്ടെന്നും നടി പറഞ്ഞു. 2016 ല്‍ പുറത്തിറങ്ങിയ പട്ടധാരി എന്ന സിനിമയില്‍ അഭി ശരവണനും അതിഥിയും ഒരുമിച്ച് അഭിനയിച്ചിട്ടുണ്ട്. കളവാണി മാപ്പിളൈ, എന്ന സത്തം ഇന്തനേരം എന്നിവയാണ് അതിഥിയുടെ മറ്റുസിനിമകൾ. മലയാളിയായ അതിഥിയുടെ യഥാർത്ഥ പേര് ആതിര സന്തോഷ് എന്നാണ്. സ്വദേശം ഇടുക്കിയും.
