മലയാളത്തിന്റെ പ്രിയനടൻ ജോജു ജോർജ് നായകനായി എത്തിയ ചിത്രം ഇരട്ട തിയറ്ററുകളിൽ മികച്ച പ്രതികരണം നേടി മുന്നേറുകയാണ്. ചിത്രത്തിന് മികച്ച പ്രതികരണമാണ് ലഭിച്ചിരിക്കുന്നത്. ചിത്രത്തിൽ ഇരട്ട വേഷത്തിലാണ് ജോജു ജോർജ് എത്തുന്നത്. സിനിമയെക്കുറിച്ച് നിരവധി പ്രേക്ഷകരാണ് മികച്ച അഭിപ്രായങ്ങൾ കുറിക്കുന്നത്. ഇതിനിടയിൽ ഇരട്ട സിനിമയെക്കുറിച്ച് ഒരു പ്രേക്ഷകൻ സോഷ്യൽ മീഡിയയിൽ കുറിച്ച വാക്കുകളാണ് വൈറലാകുന്നത്.
പോസ്റ്റ് ഇങ്ങനെയാണ്, ‘ ഇന്നലെ ഈ സിനിമ കണ്ടു.. ജോജു രണ്ടു റോളുകളില്‍ തകര്‍ത്താടിയ അടിപൊളി പടം. തകര്‍ത്താടിയെന്നോ അഴിഞ്ഞാടിയെന്നോ എന്താ പറയേണ്ടതെന്നറിയില്ല. ഒന്നു മാത്രം പറയാം, ഏതു കഥാപാത്രങ്ങളും ഈ മനുഷ്യന്റെ കയ്യില്‍ ഭദ്രമാണ്. അതുറപ്പ്. രണ്ടു കഥാപാത്രങ്ങളില്‍ എനിക്കേറ്റവും ഇഷ്ടപ്പെട്ടത് വിനോദിനെയാണ്. അതിമനോഹരം. അതിനര്‍ത്ഥം പ്രമോദ് എന്ന കഥാപാത്രം മോശമായി എന്നല്ല.
കുറ്റം പറയണമെങ്കില്‍: വിഷ്വലുകള്‍ ഒന്നുകൂടെ മനോഹരമാക്കാമായിരുന്നു. നല്ലൊരു BGM ഒരു ലെവല്‍ കൂടെ ഉയര്‍ത്തുമായിരുന്നു. കൂടാതെ അവസാന സീനുകളില്‍ വന്നു പോയ സ്ത്രീ കഥാപാത്രം (പേരറിയില്ല) അത്ര ശരിയായില്ല. ജോജുവിന്റെ നല്ല കുറെ വര്‍ഷങ്ങള്‍ എന്തുകൊണ്ടു മലയാള സിനിമ നഷ്ടമാക്കി എന്നൊരു തോന്നല്‍ മനസ്സില്‍ തോന്നിപ്പോയി. പൊറിഞ്ചുവിന് ശേഷം നല്ലൊരു കരുത്തന്‍ റോള്‍. ഇതെന്റെ സിനിമ കണ്ട അനുഭവം മാത്രമാണ്.. റിവ്യൂ എഴുതാനൊന്നും ഞാനാളല്ല.’
