ഇന്ത്യയിലെ തന്നെ ബ്ലോക്ക്ബസ്റ്റർ ചിത്രങ്ങളിൽ ഒന്നായ ബാഹുബലി 2 ചൈനയിൽ പ്രദർശനത്തിന് ഒരുങ്ങുന്നു.2015 ഏപ്രിൽ 10ന് തീയറ്ററുകളിലെത്തിയ Arka Media Worksന്റെ ബാനറിൽ s.s രാജമൗലി സംവിധാനം ചെയ്ത ബാഹുബലി ബിഗിനിംഗ് ബ്ലോക്ക് ബസ്റ്റർ ഹിറ്റുകളിൽ ഒന്നായി മാറിയിരുന്നു.പ്രഭാസ്,അനുഷ്ക ഷെട്ടി ,റാണാ ദഗുപതി തമന്ന,സത്യരാജ് എന്നിവരായിരുന്നു കേന്ദ്ര കഥാപാത്രങ്ങൾ. ഇന്ത്യൻ സിനിമ ചരിത്രത്തിലെ റെക്കോർഡുകൾ എല്ലാംമറികടന്നാണ്‌ ചിത്രം റിലീസ് ചെയ്തത്. തെലുങ്ക് ഭാഷയിൽ ചിത്രികരിച്ച ചിത്രം തമിഴ്,മലയാളം ,ഹിന്ദി ,തുടങ്ങിയ ഭാഷകളിൽ മൊഴിമാറ്റി പ്രദർശിപ്പിച്ചിരുന്നു. ഇന്ത്യൻ സിനിമ ചരിത്രത്തിൽ ആദ്യമായി ആയിരം കോടിയിലെത്തിയ ചിത്രം ബാഹുബലി രണ്ടാംഭാഗം ആയിരുന്നു. കളക്ഷൻ കാര്യത്തിൽ മുന്നിലുണ്ടായിരുന്ന ബോളിവുഡ് ചിത്രങ്ങളെ എല്ലാം മറികടന്നുകൊണ്ടായിരുന്നു ബാഹുബലി 2 കുതിച്ചത്. എല്ലാ സ്ഥലങ്ങളിൽ നിന്നുമായി ഏകദേശം 2000 കോടി രൂപയാണ് ചിത്രം വാരിക്കൂട്ടിയത്.വിദേശരാജ്യങ്ങളിൽ പ്രദർശിപ്പിച്ചിരുന്ന ബാഹുബലി 2 ന് മികച്ച സ്വീകാര്യതയാണ് ലഭിച്ചത്.
കഴിഞ്ഞ വർഷം അവസാനം ജപ്പാനിൽ റിലീസ് ചെയ്ത ചിത്രത്തിന് മികച്ച സ്വീകാര്യതയാണ് ലഭിച്ചത്. ചിത്രം റിലീസ് ചെയ്തു മൂന്ന് മാസമായെങ്കിലും ഇപ്പോഴും പ്രദർശനം തുടർന്നുകൊണ്ടിരിക്കുകയാണ്. ബാഹുബലി ആദ്യ ഭാഗത്തിന് 800 കോടി അടുത്തായിരുന്നു കളക്ഷൻ. ഇന്ത്യൻ സിനിമകൾക്ക് എപ്പോഴും മികച്ച സ്വീകാര്യത നൽകുന്ന ചൈനയിൽ ആമിർ ഖാന്റെ ദങ്കൽ 1000 കോടിയോളം രൂപയാണ് വാരികൂട്ടിയത്. അതിനോടൊപ്പം സൽമാൻ ഖാന്റെ ബജ്‌രംഗി ഭായിജാൻ മികച്ച കളക്ഷൻ റെക്കോർഡ് നേടി മുന്നേറുകയാണ്.
എപ്പോഴും നല്ല സിനിമയെ സ്വീകരിക്കുന്ന ചൈനയിലെ ആരാധകർ ബാഹുബലി രണ്ടാംഭാഗം മികച്ച സ്വീകാര്യതയോടെ ഏറ്റെടുക്കുമെന്നാണ് അണിയറ പ്രവർത്തകരുടെ പ്രതീക്ഷ. ചൈനയിൽ പ്രദർശനാനുമതിയുമായി സെൻസറിങ് പൂർത്തിയായെങ്കിലും റിലീസ് തിയതി ഇതുവരെ പുറത്തുവിട്ടിട്ടില്ല.
