മമ്മൂട്ടി-അമല്‍ നീരദ് ചിത്രം ഭീഷ്മപര്‍വ്വം മികച്ച കളക്ഷനുമായി മുന്നേറുകയാണ്. ചിത്രത്തിന് മികച്ച പ്രേക്ഷക പ്രതികരണമാണ് ലഭിക്കുന്നത്. ഇപ്പോഴിതാ ചിത്രത്തില്‍ നിന്നും ഒഴിവാക്കിയ ഒരു സീന്‍ പുറത്തുവിട്ടിരിക്കുകയാണ് അണിയറപ്രവര്‍ത്തകര്‍. ഈ വിഡിയോ യൂട്യൂബ് ട്രെന്‍ഡിംഗില്‍ ഇടംപിടിക്കുകയും ചെയ്തു.
മമ്മൂട്ടിയും അബു സലീമും ഒരുമിച്ചുള്ള സീനാണ് പുറത്തുവിട്ടിരിക്കുന്നത്. സിനിമയില്‍ മൈക്കിളിന്റെ വലം കൈയായി എപ്പോഴുമുള്ള കഥാപാത്രമാണ് അബു സലിം അവതരിപ്പിക്കുന്ന ശിവന്‍കുട്ടി. ഇരുവരും തമ്മിലുള്ള സംഭാഷമാണ് ഡിലീറ്റഡ് സീനിലുള്ളത്.
മാര്‍ച്ച് മൂന്നിനായിരുന്നു ഭീഷ്മപര്‍വ്വം റിലീസ് ചെയ്തത്. ബോാക്‌സോഫീസില്‍ റെക്കോര്‍ഡ് കളക്ഷനാണ് ഭീഷ്മപര്‍വ്വം നേടിയത്. റിലീസ് ചെയ്ത് പതിനൊന്നാം ദിവസം കേരളത്തില്‍ നിന്ന് മാത്രം ചിത്രം 40 കോടി കളക്ട് ചെയ്തു. ആഗോള കളക്ഷന്‍ 75 കോടി പിന്നിട്ടു. റിലീസ് ചെയ്ത ആദ്യ ദിനം തന്നെ ചിത്രം മൂന്ന് കോടി കളക്ട് ചെയ്തിരുന്നു.
