ബിഗ് ബോസ് റിയാലിറ്റി ഷോയിലൂടെ ശ്രദ്ധേയനായ ഡോ. റോബിന്‍ രാധാകൃഷ്ണനെ നായകനാക്കി സിനിമ വരുന്നു. പ്രമുഖ നിര്‍മാതാവ് സന്തോഷ് ടി കുരുവിളയാണ് ചിത്രത്തിന്റെ നിര്‍മാതാവ്. സന്തോഷ് ടി കുരുവിളയുടെ പതിനാലാമത്തെ പ്രൊജക്ടാണിത്. നടന്‍ മോഹന്‍ലാലാണ് സോഷ്യല്‍ മീഡിയയിലൂടെ ഇക്കാര്യം പുറത്തുവിട്ടത്.
ഡോ. റോബിന്‍ രാധാകൃഷ്ണന്‍ മികച്ച പ്രതിഭയാണെന്ന് സന്തോട് ടി കുരുവിള പറഞ്ഞു. ചെറിയ കാലം കൊണ്ട് അദ്ദേഹത്തിന് ഏറെ ആരാധകരെ നേടാന്‍ കഴിഞ്ഞു. സിനിമ വേറൊരു തട്ടകമാണ്. കഴിവും നിരന്തര പരിശ്രമവും ഉള്ളവര്‍ ഉയര്‍ന്നു വരുമെന്നും സന്തോഷ് ടി കുരുവിള പറഞ്ഞു.
ന്യൂജെന്‍ എന്നത് എല്ലാ ഘട്ടത്തിലും ഉണ്ടായികൊണ്ടിരിക്കും. പുതുമുഖങ്ങളെ പ്രോത്സാഹിപ്പിച്ചും കണ്ടെത്തിയും മാത്രമേ വിനോദ വ്യവസായത്തിന് മുന്നോട്ട് പോകാന്‍ കഴിയൂ എന്നും സന്തോഷ് ടി കുരുവിള പറഞ്ഞു. മഹേഷിന്റെ പ്രതികാരം, നാരദന്‍, ആന്‍ഡ്രോയ്ഡ് കുഞ്ഞപ്പന്‍. ആര്‍ക്കറിയാം തുടങ്ങിയ ചിത്രങ്ങള്‍ നിര്‍മിച്ചത് സന്തോഷ് ടി കുരുവിളയായിരുന്നു.
