തനിക്ക് വളരെ പ്രിയപ്പെട്ടതാണ് ഇത്തവണത്തെ ദേശീയ അവാർഡ് എന്ന് മികച്ച സഹനടനുള്ള പുരസ്കാരം സ്വന്തമാക്കിയ ബിജു മേനോൻ. ഈ സന്തോഷം കാണാൻ സച്ചി ഇല്ലാത്തതാണ് തന്റെ ഏറ്റവും വലിയ വിഷമമെന്നും ബിജു മേനോൻ പ്രതികരിച്ചു. അവാർഡ് ലഭിച്ച ഈ അവസരത്തിൽ ഓർക്കാനും നന്ദി പറയാനുമുള്ളത് സച്ചിയോട് മാത്രമാണെന്നും ബിജു മേനോൻ പറഞ്ഞു. ഈ സന്തോഷം കാണാൻ സച്ചി ഇല്ലെന്നതാണ് തന്റെ ഏറ്റവും വിഷമമെന്നും ബിജു മേനോൻ പറഞ്ഞു.
തനിക്ക് ഈ അവാർഡ് വളരെ പ്രിയപ്പെട്ടതാണെന്നും അദ്ദേഹം പറഞ്ഞു. രണ്ടു വർഷം മുമ്പ് കഴിഞ്ഞ ഒരു സിനിമയാണ് അയ്യപ്പനും കോശിയും. പ്രേക്ഷകർ ഏറ്റെടുത്ത സിനിമയാണിതെന്നും ഈ അവസരത്തിൽ ഓർക്കാനും നന്ദി പറയാനുമുള്ളത് സച്ചിയോടു മാത്രമാണെന്നും ബിജു മേനോൻ പറഞ്ഞു. ഇത്രയും നല്ലൊരു കഥാപാത്രം തനിക്ക് തന്നതിന്, പ്രേക്ഷകര്‍ സ്വീകരിച്ച ഇത്രയും നല്ല സിനിമ തന്നതിന് സച്ചിയോടും ദൈവത്തോടും നന്ദി പറയുന്നെന്നും ബിജു മേനോൻ പറഞ്ഞു. തന്റെയൊപ്പം ജോലി ചെയ്ത സഹപ്രവർത്തകരെയും തന്റെ നന്ദി അറിയിക്കുകയാണെന്നും ബിജു മേനോൻ വ്യക്തമാക്കി.
ഈ ചിത്രത്തിന്റെ ആദ്യത്തെ ആലോചന മുതല്‍ തന്നെ ഒപ്പമുണ്ടായിരുന്നു. ഈ സിനിമ ആദ്യം പ്ലാന്‍ ചെയ്തിരുന്നത് ചെറിയ ക്യാന്‍വാസിലായിരുന്നു. ഈ അംഗീകാരത്തിന് ഒരുപാട് സന്തോഷം. എല്ലാവരോടും നന്ദി പറയുന്നു. ഈ സന്തോഷം കാണാന്‍ സച്ചിയില്ലെന്നതാണ് വലിയ വിഷമമെന്നും സച്ചിയുടെ വലിയ എഫര്‍ട്ടിന് കിട്ടിയ അംഗീകാരമായിട്ട് ഇതിനെ കാണുന്നതെന്നും ബിജു മേനോൻ പറഞ്ഞു.
