തെരുവിലെ നാടോടിപ്പെണ്ണിനെ മോഡലാക്കിയ മഹാദേവൻ തമ്പി ഈ തവണ തേടിപ്പോയത് ഒരു പച്ചയായ ജീവിതത്തിലേക്കായിരുന്നു. 98 കാരി പാപ്പിയമ്മയെ മോഡലാക്കിയ എടുത്ത ചിത്രങ്ങളും നേടി കൈയടി. ഒരു ലൊക്കേഷൻ തേടിപ്പോയ മഹാദേവൻ തമ്പി അപ്രതീക്ഷിതമായാണ് പപ്പി അമ്മയെ കണ്ടത്. കൂലിപ്പണി എടുത്താണ് പാപ്പി ‘അമ്മ ജീവിക്കുന്നത്, അടച്ചുറപ്പുള്ള വീട്ടിൽ തനിക്ക് ഒരു ദിവസം എങ്കിലും ഒന്ന് ജീവിക്കണം എന്ന് പാപ്പി ‘അമ്മ മഹാദേവൻ തമ്പിയോട് പറഞ്ഞിരുന്നു, തമ്പി ഇത് തന്റെ ക്യാമെറ കണ്ണുകളിൽ കൂടി ലോകത്തിനെ കാണിച്ചു.
ഇപ്പോഴിതാ ആ സ്വപ്നം സാക്ഷാത്ക്കരിക്കാൻ പോകുകയാണ്, പാപ്പിയമ്മക്ക് വീഡി വെച്ച് കൊടുക്കാമെന്ന് പറഞ്ഞിരിക്കുകയാണ് വ്യവസായി ബോബി ചെമ്മണ്ണൂർ. പാപ്പിയമ്മയുടെ വീട്ടിൽ എത്തിയ അദ്ദേഹം പാപ്പിയമ്മക് ഉറപ്പ് നൽകി, വീടിന്റെ വാതിൽ ഒന്ന് മാറ്റിത്തരുമോ എന്നാണ് പാപ്പിയമ്മ ബോബിയോട് ചോദിച്ചത്. ഈ വീടിനു പകരം പുതിയൊരു വീട് വെച്ച് നൽകുമെന്ന് ബോബി പാപ്പിയമ്മയോട് പറഞ്ഞു. സ്വന്തം ഭൂമിയിൽ ഷീറ്റുകൾ കൊണ്ട് മറച്ച വീട്ടിലാണ് പാപ്പിയമ്മ താമസിക്കുന്നത്.
വൈക്കത്തു വച്ചാണ് പാപ്പി അമ്മയെ കാണുന്നത്. നിഷ്കളങ്കതയും ഓമനത്തവും നിറയുന്ന മുഖമാണ് പാപ്പി അമ്മയുടേത്. അരിവാളും പിടിച്ച് നടന്നു വരുന്ന പാപ്പി അമ്മയെ കണ്ടപ്പോൾ ഫോട്ടോഷൂട്ട് ചെയ്താൽ നന്നായിരിക്കുമെന്നു തോന്നി സമീപിക്കുകയായിരുന്നു. ഫോട്ടോഷൂട്ട് ചെയ്യട്ടേ എന്നു ചേദിച്ചപ്പോൾ പാപ്പി അമ്മ സമ്മതിച്ചു. പിറ്റേ ദിവസം ഷൂട്ടിന് വേണ്ട സാധനങ്ങളും ആൾക്കാരുമായി വൈക്കത്തെത്തി ഫോട്ടോഷൂട്ട് നടത്തുകയായിരുന്നുവെന്ന് മഹാദേവൻ തമ്പി പറയുന്നു.
