ലോകമെമ്പാടുമുള്ള ജനങ്ങൾ ഇന്ന് ക്രിസ്തുമസ് ആഘോഷിക്കുകയാണ്. കോവിഡ് മഹാമാരിയിൽ നിന്നും ജനങ്ങൾ മുക്തരായി വരുന്നുവെങ്കിലും ക്രിസ്തുമസ് ആഘോഷങ്ങളും ഈ തവണ കോവിഡ് പ്രതിരോധത്തിന്റെ ഭാഗമായി ലളിതമായി ആഘോഷിക്കുകയാണ്. കോവിഡ് ജാഗ്രതയിലും ജനങ്ങൾക്ക് ക്രിസ്തുമസ് ആശംസകളുമായി എത്തിയിരിക്കുകയാണ് മലയാളത്തിലെ സിനിമ താരങ്ങൾ.
എല്ലാവര്ക്കും ക്രിസ്തുമസ് ആശംസകൾ നേർന്ന് കൊണ്ട് മലയാളത്തിന്റെ ചോക്ലേറ്റ് ഹീറോ കുഞ്ചാക്കോ ബോബനും കുടുംബവും എത്തിയിരുന്നു. മനോഹരമായ കുടുംബചിത്രം പങ്കുവെച്ച് കൊണ്ടാണ് കുഞ്ചാക്കോ ബോബൻ ക്രിസ്തുമസ് ആശംസകളുമായി എത്തിയിരിക്കുന്നത്. ഒരേ പോലെയുള്ള വസ്ത്രങ്ങൾ ധരിച്ച് കൊണ്ട് ഇസ്സയുടെ കളിചിരികൾ ആസ്വദിക്കുന്ന കുഞ്ചാക്കോ ബോബനെയും പ്രിയയെയും ആണ് ചിത്രത്തിൽ കാണുന്നത്.എല്ലാവർക്കും ക്രിസ്മസിന്റെ സന്തോഷവും ആഹ്ലാദവും പ്രതീക്ഷയും അനുഗ്രഹവും ആശംസിക്കുന്നു. ഭൂതകാലത്തിന്റെ കഷ്ടപ്പാടുകളും സഹനങ്ങളും നമ്മെ കൂടുതൽ കരുത്തുറ്റവരാക്കുകയും തയ്യാറെടുപ്പുകൾ നടത്താൻ പ്രേരിപ്പിക്കുകയും സഹായമനസ്കരും പ്രത്യാശയുള്ളവരും ശുഭാപ്തിവിശ്വാസികളുമാക്കി മാറ്റട്ടെയെന്ന് കുഞ്ചാക്കോ ബോബൻ തന്റെ ഫേസ്ബുക് പേജിൽ കുറിച്ചു.
സോഷ്യൽ മീഡിയയിൽ സജീവമായ താര പത്നിയാണ് സുപ്രിയ പൃഥ്വിരാജ്. മകൾ അലംകൃത സാന്റായ്ക്ക് എഴുതിയാ കത്ത് പങ്കുവെച്ച് കൊണ്ടാണ് സുപ്രിയ പ്രേക്ഷകർക്ക് ക്രിസ്തുമസ് ആശംസ നേർന്നിരിക്കുന്നത്.സാന്റക്കായുള്ള അല്ലിയുടെ കത്ത് ആണിത്. ഫ്രോസൺ സിനിമയിലെ അന്ന എന്ന പാവയെ സമ്മാനമായി തനിക്ക് വേണമെന്നാണ് കുഞ്ഞ് അല്ലി പറയുന്നത്. താരപുത്രിയുടെ ആവശ്യം സാന്റ കേട്ടിരിക്കുകയാണ്.അല്ലിയുടെ പ്രിയപ്പെട്ട പാവക്കായി അമ്മ സുപ്രിയ ഓർഡർ കൊടുത്ത് കഴിഞ്ഞു. ന്യൂയർ സമ്മാനമായിട്ടാകും അലകൃതയ്ക്ക് ഈ പാവ ലഭിക്കുക.
