മിനി സ്‌ക്രീന്‍ പ്രേക്ഷകരുടെ പ്രിയ നടിയാണ് ചന്ദ്ര ലക്ഷ്മണ്‍. വില്ലത്തി വേഷങ്ങളിലൂടെയാണ് ചന്ദ്ര ശ്രദ്ധേയയായത്. ‘സ്വന്തം’ സീരിയലില്‍ ചന്ദ്ര ലക്ഷ്മണ്‍ അവതരിപ്പിച്ച സാന്ദ്ര നെല്ലിക്കാടന്‍ എന്ന കഥാപാത്രം മിനിസ്‌ക്രീന്‍ പ്രേക്ഷകര്‍ ഇന്നും വെറുക്കുന്ന ഒന്നാണ്. എന്നാല്‍ ഇപ്പോള്‍ ‘സ്വന്തം സുജാത’ പരമ്പരയിലെ സുജാതയിലൂടെ മിനിസ്‌ക്രീന്‍ കുടുംബ പ്രേക്ഷകരുടെ പ്രിയങ്കരിയായി മാറിയിരിക്കുകയാണ് ചന്ദ്ര ലക്ഷ്മണ്‍.
ഇപ്പോഴിതാ താരം വിവാഹിതയാകാന്‍ പോകുന്നതായുള്ള വാര്‍ത്തകളാണ് പുറത്തുവരുന്നത്. ഇതോടെ ആരാധകര്‍ എപ്പോഴും ചന്ദ്ര ലക്ഷ്മണിനോട് ചോദിച്ചിരുന്ന ചോദ്യത്തിനും അവസാനമായിരിക്കുകയാണ്. ഈ ചോദ്യങ്ങള്‍ക്കെല്ലാമുളള മറുപടിയാണ് ഇന്‍സ്റ്റഗ്രാമിലൂടെ നടി പങ്കുവച്ചത്. സ്വന്തം സുജാത പരമ്പരയിലെ നായകനായ ടോഷ് ക്രിസ്റ്റിയെയാണ് ചന്ദ്ര വിവാഹം കഴിക്കുന്നത്.
View this post on Instagram
‘കുടുംബാംഗങ്ങളുടെ സമ്മതത്തോടെയും അനുഗ്രഹത്തോടെയും ഞങ്ങള്‍ പുതിയ ജീവിത യാത്ര തുടങ്ങുകയാണ്. ഞങ്ങള്‍ ജീവിതത്തില്‍ കൈകോര്‍ത്തു പിടിക്കുമ്പോള്‍ ഞങ്ങളെ സ്‌നേഹിക്കുന്നവരും ഒപ്പം വേണമെന്ന് ആഗ്രഹിക്കുന്നു. എന്റെ വിവാഹവുമായി ബന്ധപ്പെട്ട എല്ലാ ചോദ്യങ്ങള്‍ക്കും ഇവിടെ അവസാനമാകുന്നു. ഞങ്ങളെ അനുഗ്രഹിക്കുകയും നിങ്ങളുടെ പ്രാര്‍ത്ഥനയില്‍ ഞങ്ങളെ ഉള്‍പ്പെടുത്തുകയും വേണം,” ഇതായിരുന്നു ജോഷിന്റെ കൈപിടിച്ചുളള ചിത്രത്തിനൊപ്പം നടി കുറിച്ചത്. താരങ്ങളും ആരാധകരും ഉള്‍പ്പടെ നിരവധി പേര്‍ ചന്ദ്ര ലക്ഷ്മണിന് ആശംസകള്‍ നേര്‍ന്നിട്ടുണ്ട്.
