ഷൈന്‍ ടോം ചാക്കോ, അഹാന കൃഷ്ണ എന്നിവര്‍ കേന്ദ്രകഥാപാത്രങ്ങളാകുന്ന അടി എന്ന ചിത്രത്തിന്റെ ക്യാരക്റ്റർ പോസ്റ്റർ പുറത്ത്. ഷൈൻ ടോം അവതരിപ്പിക്കുന്ന സജീവ് നായർ എന്ന കഥാപാത്രത്തിന്റെ പോസ്റ്റർ ആണ് പുറത്തുവന്നത്. വിവാഹ സ്വപ്നങ്ങളുമായി നാട്ടിലെത്തിയ പ്രവാസി യുവാവായാണ് ഷൈൻ ചിത്രത്തിൽ എത്തുന്നത്.വിഷു റിലീസായി ഏപ്രില്‍ പതിനാലിന് തീയറ്ററുകളില്‍ എത്തും. ദുല്‍ഖര്‍ സല്‍മാന്റെ ഉടമസ്ഥതയിലുള്ള വേഫെറര്‍ ഫിലിംസാണ് ചിത്രം നിര്‍മിക്കുന്നത്. ജോം വര്‍ഗീസ് സഹനിര്‍മാവാണ്.
ലില്ലി, അന്വേഷണം എന്നീ ചിത്രങ്ങള്‍ ഒരുക്കിയ പ്രശോഭ് വിജയനാണ് ചിത്രത്തിന്റെ സംവിധാനം. ഇഷ്‌കിന്റെ തിരക്കഥാകൃത്ത് രതീഷ് രവിയുടേതാണ് തിരക്കഥ. ബിറ്റോ ഡേവിസ്, ശ്രീകാന്ത് ദാസന്‍, ധ്രുവന്‍ എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്. സുഡാനി ഫ്രം നൈജീരിയ ഫെയിം നൗഫലാണ് ചിത്രത്തിന്റെ എഡിറ്റിംഗ് നിര്‍വഹിക്കുന്നത്.
സംഗീത സംവിധാനം- ഗോവിന്ദ് വസന്ത, ഛായാഗ്രഹണം- ഫായിസ് സിദ്ധിഖ്, വസ്ത്രാലങ്കാരം- സ്റ്റെഫി സേവ്യര്‍, ആര്‍ട്ട്- സുഭാഷ് കരുണ്‍, മേക്കപ്പ്- രഞ്ജിത് ആര്‍, ചീഫ് അസ്സോസിയേറ്റ്- സുനില്‍ കര്യാട്ടുകര, ലിറിക്സ്- അന്‍വര്‍ അലി, ഷറഫു, പ്രൊജക്റ്റ് ഡിസൈനര്‍- ഹാരിസ് ദേശം, പ്രൊഡക്ഷന്‍ കണ്‍ട്രോളര്‍- റിന്നി ദിവാകര്‍, അസോസിയേറ്റ് ഡയറക്ടര്‍-സിഫാസ് അഷ്റഫ്, സേതുനാഥ് പദ്മകുമാര്‍, സുമേഷ്, പ്രൊഡക്ഷന്‍ എക്‌സിക്യൂട്ടീവ്- വിനോഷ് കൈമള്‍, പി ആര്‍ ഒ- പ്രതീഷ് ശേഖര്‍, ഡിജിറ്റല്‍ മാര്‍ക്കറ്റിംഗ്- അനൂപ് സുന്ദരന്‍, വി.എഫ്.എക്സ് ആന്‍ഡ് ടൈറ്റില്‍- സഞ്ജു ടോം ജോര്‍ജ്, സ്റ്റില്‍സ്- റിഷാദ് മുഹമ്മദ്, ഡിസൈന്‍- ഓള്‍ഡ് മങ്ങ്‌സ്.
