മഞ്ജു വാര്യര്‍, സണ്ണി വെയ്ന്‍, അലന്‍സിയര്‍ തുടങ്ങിയവര്‍ കേന്ദ്ര കഥാപാത്രങ്ങളായി എത്തിയ ‘ചതുര്‍മുഖ’ ത്തിലെ രണ്ടാമത്തെ ഗാനം റിലീസ് ചെയ്തു. മനു മഞ്ജിത്തിന്റെ മനോഹരമായ വരികള്‍ക്ക് ഡോണ്‍ വിന്‍സന്റ് ഈണം നല്‍കിയ ഗാനം പാടിയിരിക്കുന്നത് അമൃത ജയകുമാര്‍ ആണ്.
തീയേറ്റര്‍ റിലീസിന് മുന്‍പിറങ്ങിയ ‘മായ കൊണ്ട് കൂടുകൂട്ടി’ എന്ന പാട്ട് സോഷ്യല്‍ മീഡിയയില്‍ വൈറലായിരുന്നു. ജിസ്സ് ടോംസ് മൂവീസ്, മഞ്ജുവാര്യര്‍ പ്രൊഡക്ഷന്‍സ് എന്നീ ബാനറുകളില്‍ പുറത്തിറങ്ങിയ ചതുര്‍മുഖം സംവിധാനം ചെയ്തിരിക്കുന്നത് നവാഗതരായ രഞ്ജിത്ത് കമല ശങ്കറും, സലില്‍ വിയും ചേര്‍ന്നാണ്. അഭയകുമാര്‍ കെ, അനില്‍ കുര്യന്‍ എന്നിവര്‍ ചേര്‍ന്നാണ് ചിത്രത്തിന്റെ രചന നിര്‍വ്വഹിച്ചിരിക്കുന്നത്. ജിസ്സ് തോമസ്സും ജസ്റ്റിന്‍ തോമസ്സും ചേര്‍ന്നാണ് നിര്‍മ്മാണം.
അഭിനന്ദന്‍ രാമനുജം ക്യാമറയും മനോജ് എഡിറ്റിങും നിര്‍വ്വഹിച്ചിരിക്കുന്നു. എക്‌സിക്യൂട്ടീവ് പ്രൊഡ്യൂസര്‍ ബിനീഷ് ചന്ദ്രനും കോ-പ്രൊഡ്യൂസര്‍ ബിജു ജോര്‍ജ്ജും അസോസിയേറ്റ് പ്രൊഡ്യൂസേര്‍സ് സഞ്‌ജോയ് അഗസ്റ്റിന്‍, ബിബിന്‍ ജോര്‍ജ്ജ്, ലെജോ പണിക്കര്‍, ആന്റണി കുഴിവേലില്‍ എന്നിവരുമാണ്. വിഷ്ണു ഗോവിന്ദ് സൌണ്ട് മിക്‌സിംഗ് നിര്‍വ്വഹിച്ച സിനിമയിലെ വസ്ത്രാലങ്കാരം സമീറ സനീഷും കലാസംവിധാനം നിമേഷ്.എം.താനൂരും മേക്കപ്പ് രാജേഷ് നെന്മാറയുമാണ്. ചതുര്‍മുഖം നാളെ സീ-5ന്റെ ഒടിടി പ്ലാറ്റ്‌ഫോമിലൂടെ റിലീസ് ചെയ്യും.
