സംവിധായകൻ ടിനു പാപ്പച്ചൻ സൂപ്പർ ഹിറ്റ് ചിത്രമായ അജഗജാന്തരത്തിനു ശേഷം തന്റെ അടുത്ത ചിത്രവുമായി എത്തുന്നു. ചാവേർ എന്ന് പേരിട്ടിരിക്കുന്ന സിനിമയുടെ ടൈറ്റിൽ പോസ്റ്റർ കഴിഞ്ഞദിവസമാണ് റിലീസ് ചെയ്തത്. ഒരു കത്തിയാണ് പോസ്റ്ററിന്റെ അടിസ്ഥാനം. ബാക്കിയുള്ള കഥയെല്ലാം ആ കത്തിയുടെ മുകളിലാണ് നടക്കുന്നത്. മുന്നിൽ ഓടിപ്പോകുന്ന ഒരാൾ, അയാൾക്ക് പിന്നാലെ ഒരു ജീപ്പ്, ആ ജീപ്പിനു മുകളിൽ ക്രോധാവേശത്തോടെ ഒരാൾ, അതിനു പിന്നിൽ മുന്നിലുള്ളത് രൂക്ഷമായി നോക്കി നടന്നടുക്കുന്ന മറ്റൊരാൾ. ഇതിനെല്ലാം പിന്നിലായി ഒരു തെയ്യക്കോലവും കാണാം.
ടൈറ്റിൽ പോസ്റ്ററിലെ ചാവേർ എന്ന എഴുത്തും വളരെ വ്യത്യസ്തമായാണ്. സൂക്ഷിച്ചു നോക്കിയാൽ കഥാപാത്രങ്ങളെ ചാവേർ എന്ന എഴുത്തിൽ കാണാൻ കഴിയും. ത്രില്ലർ സ്വഭാവമുള്ളതാണ് ചിത്രം എന്ന സൂചനയാണ് പോസ്റ്റർ നൽകുന്നത്. പൃഥ്വിരാജ് സുകുമാരൻ, ജയസൂര്യ, ആസിഫ് അലി, ടൊവിനോ തോമസ്, അജു വർഗീസ്, ഉണ്ണി മുകുന്ദൻ, പ്രണവ് മോഹൻലാൽ, നിർമ്മാതാവ് ആന്റണി പെരുമ്പാവൂർ എന്നിവരാണ് ടൈറ്റിൽ പോസ്റ്റർ സോഷ്യൽ മീഡിയയിലൂടെ പങ്കുവെച്ചത്.
കുഞ്ചാക്കോ ബോബനോടൊപ്പം ആന്റണി വര്‍ഗീസും അര്‍ജുന്‍ അശോകനും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. ഇവരെ കൂടാതെ തിങ്കളാഴ്ച നിശ്ചയം എന്ന സിനിമയിൽ അഭിനയിച്ച മനോജ്‌, സജിൻ, അനുരൂപ് എന്നിവരും ചിത്രത്തിന്റെ ഭാഗമാകുന്നുണ്ട്. നടനും സംവിധായകനുമായ ജോയ് മാത്യുവിന്റേതാണ് തിരക്കഥ. വേണു കുന്നപ്പിള്ളി, അരുൺ നാരായൺ എന്നിവർ ചേർന്നാണ് ചിത്രം നിർമിക്കുന്നത്. എക്സിക്യൂട്ടീവ്‌ പ്രൊഡ്യൂസർ: ജിയോ എബ്രാഹം, ബിനു സെബാസ്റ്റ്യൻ എന്നിവരാണ്. ഛായാഗ്രഹണം: ജിന്‍റോ ജോർജ്ജ്, എഡിറ്റർ: നിഷാദ് യൂസഫ്, സംഗീതം: ജസ്റ്റിൻ വർഗീസ്, പ്രൊഡക്ഷൻ ഡിസൈൻ: ഗോകുൽ ദാസ്, സൗണ്ട് ഡിസൈൻ: രംഗനാഥ് രവി, മേക്കപ്പ്: റോണക്സ് സേവ്യർ, കോസ്റ്റ്യൂം: മെൽവി ജെ, സംഘട്ടനം: സുപ്രീം സുന്ദർ, വി എഫ് എക്സ്: ആക്സൽ മീഡിയ, ലൈൻ പ്രൊഡ്യൂസർ: സുനിൽ സിംഗ്, ചീഫ് അസോ. ഡയറക്ടർ: രതീഷ് മൈക്കിൾ, പ്രൊഡക്ഷൻ കൺട്രോളർ: ആസാദ് കണ്ണാടിക്കൽ, പ്രൊഡക്ഷൻ എക്സിക്യുട്ടീവ്: ബ്രിജീഷ്‌ ശിവരാമൻ, സ്റ്റിൽസ്: അർജുൻ കല്ലിങ്കൽ, ഡിസൈൻസ്‌: മാക്ഗഫിൻ, പി.ആർ.ഒ: മഞ്ജു ഗോപിനാഥ്, ഡിജിറ്റൽ മാർക്കറ്റിംഗ്: ഹെയിൻസ്‌, മാർക്കറ്റിംഗ്: സ്നേക് പ്ലാന്‍റ്.
