കഴിഞ്ഞദിവസമാണ് യുവനടൻമാരായ ശ്രീനാഥ് ഭാസിക്കും ഷെയിൻ നിഗത്തിനും മലയാളസിനിമയിൽ വിലക്ക് ഏർപ്പെടുത്തിയത്. എല്ലാ സംഘടനകളും ചേർന്ന് നടത്തിയ ചർച്ചയിലാണ് ഇക്കാര്യം തീരുമാനിച്ചതെന്ന് നിർമാതാവ് രഞ്ജിത്ത് പറഞ്ഞിരുന്നു. മയക്കുമരുന്നിന് അടിമകളായ രണ്ടു നടൻമാരുമായി സഹകരിക്കില്ലെന്നും ബോധമില്ലാതെയാണ് ഈ രണ്ടു നടൻമാരും പലപ്പോഴും പെരുമാറുന്നതെന്നുമായിരുന്നു രഞ്ജിത്ത് ആരോപിച്ചത്.
എന്നാൽ ഈ രണ്ടു യുവതാരങ്ങൾക്കും എതിരെയുള്ള പരാതികൾ ഇതുകൊണ്ടൊന്നും അവസാനിക്കുന്നില്ല. പുതിയ സിനിമയുടെ ഷൂട്ടിംഗ് പകുതിയിൽ എത്തിയപ്പോൾ എഡിറ്റ് ചെയ്ത ഭാഗം കാണണമെന്ന് ആവശ്യപ്പെടുകയും തനിക്ക് കൂടുതൽ പ്രാധാന്യം വേണമെന്ന് നിർബന്ധം പിടിക്കുകയും ചെയ്തെന്നാണ് ഒരു പരാതി
ശ്രീനാഥ് ഭാസി ആകട്ടെ ഒരേസമയം പലരുടെയും സിനിമയ്ക്ക് ഡേറ്റ് നൽകുകയാണ് ചെയ്യുന്നത്. മാത്രമല്ല സമയത്തിന് ഷൂട്ടിങ്ങ് സെറ്റിൽ എത്താത്ത ഈ താരം വിളിച്ചാൽ ഫോൺ എടുക്കുകയുമില്ല. ഏതൊക്കെ സിനിമകൾക്കാണ് ഡേറ്റുകൾ കൊടുത്തിരിക്കുന്നതെന്ന് ശ്രീനാഥ് ഭാസിക്ക് പോലും അറിയില്ലെന്നാണ് നിർമാതാക്കൾ ആരോപിക്കുന്നത്. അതേസമയം, സെറ്റിൽ അഭിനേതാക്കൾ വൈകി വരുന്നതു മൂലമുണ്ടാകുന്ന നഷ്ടം അഭിനേതാക്കളിൽ നിന്ന് ഈടാക്കാനുള്ള പ്രൊഡ്യൂസേഴ്സ് അസോസിയേഷന്റെ തീരുമാനത്തെ മറ്റ് സംഘടനകളും അനുകൂലിച്ചെന്ന് ഭാരവാഹികൾ അറിയിച്ചു.
