കാന്‍ ചലച്ചിത്രമേളയില്‍ തിളങ്ങി ഇന്ത്യന്‍ താരങ്ങള്‍. കാന്‍ ജൂറി അംഗും ബോളിവുഡ് താരവുമായ ദീപിക പദുക്കോണ്‍, സൗത്ത് ഇന്ത്യന്‍ താരം തമന്ന, ഉര്‍വശി റൗട്ടേല എന്നിവര്‍ ചൊവ്വാഴ്ച റെഡ് കാര്‍പെറ്റില്‍ ചുവടുവച്ചു.
സബ്യസാചി ഡിസൈന്‍ ചെയ്ത സാരി ധരിച്ചാണ് ദിപീക എത്തിയത്. ബ്ലാക്ക് ആന്‍ഡ് ഗോള്‍ഡ് കളര്‍ കോമ്പിനേഷനിലുള്ള സാരിയും മറ്റും റെട്രോ ലുക്കിനെ ഓര്‍മിപ്പിക്കുന്നതായിരുന്നു. ശരീരത്തോട് ചേര്‍ന്നു നില്‍ക്കുന്ന മോണോക്രോം ഗൗണാണ് തമന്ന ധരിച്ചത്. ഷാലീന നഥാനിയാണ് തമന്നയുടെ വസ്ത്രം ഡിസൈന്‍ ചെയ്തത്.
ഐ ആന്‍ഡ് ബി മന്ത്രി അനുരാഗ് താക്കൂറിന്റെ നേതൃത്വത്തിലുള്ള ഇന്ത്യന്‍ പ്രതിനിധി സംഘത്തിന്റെ ഭാഗമായാണ് തമന്ന കാനിലെത്തിയത്. ഫെസ്റ്റിവലില്‍ ഭാഗമാകാന്‍ കഴിഞ്ഞതിന്റെ സന്തോഷം തമന്ന പ്രകടിപ്പിച്ചു. ദീപികയേയും തമന്നയേയും കൂടാതെ ഐശ്വര്യ റായി, അഭിഷേക് ബച്ചന്‍, എ. ആര്‍ റഹ്‌മാന്‍, പൂജ ഹെഗ്‌ഡെ, നവാസുദ്ദീന്‍ സിദ്ദിഖി, ആര്‍ മാധവന്‍, ശേഖര്‍ കപൂര്‍ തുടങ്ങിയവരും ഫെസ്റ്റിവല്ലിന്റെ ഭാഗമാകാന്‍ എത്തിയിട്ടുണ്ട്.
