മലയാള സിനിമയില്‍ ഒരു പിടി നല്ല ചിത്രങ്ങളിലൂടെ പ്രേക്ഷകര്‍ക്ക് പ്രിയങ്കരിയായ താരമാണ് ദീപ്തി സതി. സോഷ്യല്‍ മീഡിയയില്‍ വളരെ സജീവമായ താരത്തിന്റെ യോഗ ചെയ്യുന്ന ചിത്രങ്ങളാണ് ഇപ്പോൾ സോഷ്യല്‍ മീഡിയയില്‍ വൈറലാകുന്നത്. ചിത്രങ്ങളെല്ലാം സോഷ്യല്‍ മീഡിയ വഴി ആരാധകര്‍ ഏറ്റെടുത്തിട്ടുണ്ട്. യോഗ തുടങ്ങുന്നത് നിങ്ങളിൽ നിന്ന് തന്നെയാണ് നടി കുറിച്ചിരിക്കുന്നത്. നീന എന്ന മലയാള ചിത്രത്തിലൂടെയാണ് ദീപ്തി സതി മലയാള സിനിമയില്‍ അരങ്ങേറ്റം കുറിച്ചത്. ചിത്രത്തിലെ ടൈറ്റില്‍ ക്യാരക്ടര്‍ ആയിരുന്നു അവതരിപ്പിച്ചത്. പിന്നീട് കന്നഡ തെലുങ്ക് തമിഴ് ചിത്രങ്ങളില്‍ താരത്തിന് നിരവധി അവസരങ്ങള്‍ തേടിയെത്തി.
ഏറ്റവുമൊടുവില്‍ അഭിനയിച്ചത് പൃഥ്വിരാജ് നായകനായ ഡ്രൈവിങ് ലൈസന്‍സിലാണ്. ചിത്രത്തില്‍ പൃഥ്വിയുടെ ഭാര്യയുടെ വേഷമായിരുന്നു അവതരിപ്പിച്ചത്. ചിത്രം പ്രേക്ഷക ശ്രദ്ധ നേടി മുന്നേറിയിരുന്നു. ചിത്രങ്ങള്‍ പോസ്റ്റ് ചെയ്തത് വളരെ ചുരുങ്ങിയ സമയം കൊണ്ടാണ് സോഷ്യല്‍ മീഡിയയില്‍ വൈറല്‍ ആയിമാറിയത്.
