സംവിധായകനും നടനുമായ ധ്യാന്‍ ശ്രീനിവാസന്‍ തന്റെ ഇഷ്ട വാഹനമായ മിനി കൂപ്പര്‍ എസ് സ്വന്തമാക്കി. മിനി ഇന്ത്യയുടെ ഏറ്റവും മികച്ച കാറുകളിലൊന്നാണ് കൂപ്പര്‍ എസ്. കൊച്ചിയിലെ മിനി വിതരണക്കാരായ ഇവിഎം ഓട്ടോക്രാഫ്റ്റില്‍ നിന്നാണ് താരം വാഹനം സ്വന്തമാക്കിയത്.
മിനിയുടെ വിഖ്യാത മോഡലുകളിലൊന്നായ കൂപ്പര്‍എസിന് 2 ലീറ്റര്‍ ട്വിന്‍ ടര്‍ബൊ പെട്രോള്‍ എന്‍ജിനാണുള്ളത്. കൂടാതെ 192 ബിഎച്ച്പി കരുത്തും 280 എന്‍എം ടോര്‍ക്കുമുണ്ട്. വെറും 6.7 സെക്കന്റ്‌കൊണ്ട് പൂജ്യത്തില്‍ നിന്ന് 100 കിലോമീറ്റര്‍ വേഗത്തിലെത്താന്‍ ഈ വാഹനത്തിന് സാധിക്കും. ഏകദേശം 38 ലക്ഷം രൂപയാണ് എക്‌സ്‌ഷോറൂം വിലയായി കണക്കാക്കുന്നത്.
