കഴിഞ്ഞദിവസം ആയിരുന്നു എഴുത്തുകാരനും സംവിധായകനുമായ നജീം കോയയുടെ മുറിയിൽ കയറി എക്സൈസ് വകുപ്പ് പരിശോധന നടത്തിയത്. നജീം കോയയെ പരിശോധിക്കാൻ തിരുവനന്തപുരത്ത് നിന്നാണ് സംഘം ഈരാറ്റുപേട്ടയിൽ എത്തിയത്. നജീം കോയയെ പരിശോധിക്കാൻ ഇത്രയും ഉത്സാഹം കാണിച്ച എക്സൈസ് സംഘം സിനിമ മേഖലയിലെ ലഹരി ഉപയോഗവുമായി ബന്ധപ്പെട്ട് ടിനി ടോം നടത്തിയ വെളിപ്പെടുത്തലിൽ എന്തുകൊണ്ടാണ് അദ്ദേഹത്തിന്റെ മൊഴി എടുക്കാത്തതെന്ന് സംവിധായകൻ ബി ഉണ്ണിക്കൃഷ്ണൻ. നജീം കോയയുടെ മുറിയിൽ എക്സൈസ് നടത്തിയ റെയ്ഡിൽ ക്രിമിനല്‍ ഗൂഢാലോചന ആരോപിച്ച് നടത്തിയ വാർത്താസമ്മേളനത്തിലാണ് ബി ഉണ്ണിക്കൃഷ്ണൻ ഇങ്ങനെ പറഞ്ഞത്.
ടിനി ടോം ഉന്നയിച്ചിരിക്കുന്നത് ഗുരുതര ആരോപണങ്ങളാണ്. എക്സൈസ് വകുപ്പിന്റെ ബ്രാന്‍ഡ് അംബാസിഡര്‍ കൂടിയായിട്ടും ടിനി ടോമിനെ എന്തുകൊണ്ട് ചോദ്യം ചെയ്തില്ലെന്നും ബി ഉണ്ണിക്കൃഷ്ണന്‍ ചോദിച്ചു. നജീം കോയയെ പരിശോധിക്കാന്‍ തിരുവനന്തപുരത്തുനിന്ന് ഈരാറ്റുപേട്ട വരെ വരാന്‍ ഉത്സാഹം കാണിച്ച ഉദ്യോഗസ്ഥര്‍ എന്തുകൊണ്ട് ടിനി ടോമിന്റെ മൊഴി എടുത്തില്ലെന്ന് ഉണ്ണികൃഷ്ണന്‍ ചോദിച്ചു.
ലഹരിമരുന്ന് ഉപയോഗിച്ച് ഒരു നടന്റെ പല്ല് പൊടിഞ്ഞു എന്നാണ് ടിനി ടോം പറയുന്നത്. ഒരു പ്രസ്താവന നടത്തുമ്പോള്‍ അതിന് ഉത്തരവാദിത്വം വേണമെന്നും ഉണ്ണികൃഷ്ണന്‍ പറഞ്ഞു. ടിനി ടോം എക്സൈസ് വകുപ്പിന്റെ ബ്രാന്‍ഡ് അംബാസിഡര്‍ ആയി വര്‍ക്ക് ചെയ്യുന്നുണ്ടെങ്കില്‍ ഈ വിഷയം ആദ്യം ചോദിക്കേണ്ടത് ആരാണെന്നും ഇക്കാര്യം എക്സൈസ് വകുപ്പ് തന്നെ ചോദിക്കണമായിരുന്നെന്നും ബി ഉണ്ണിക്കൃഷ്ണൻ പറഞ്ഞു. കഴിഞ്ഞ മാസം അമ്പലപ്പുഴയില്‍ നടന്ന കേരള സര്‍വകലശാല യൂണിയന്‍ യുവജനോത്സവ ഉദ്ഘാടന ചടങ്ങില്‍ പങ്കെടുക്കവെ ആയിരുന്നു ടിനി ടോമിന്റെ ആരോപണം.
