മലയാള സിനിമയിലെ എക്കാലത്തേയും മികച്ച ചിത്രങ്ങളില്‍ ഒന്നാണ് സ്ഫടികം. മോഹന്‍ലാലിനെ നായകനാക്കി ഭദ്രന്‍ ഒരുക്കിയ ചിത്രം മലയാളികള്‍ക്ക് ഇന്നും പ്രിയപ്പട്ടതാണ്. ചിത്രം റീമാസ്റ്റര്‍ ചെയ്ത് പുറത്തിറക്കാനുള്ള ശ്രമത്തിലാണ് സംവിധായകന്‍ ഭദ്രന്‍. അതിനിടെ ചിത്രത്തിലെ ‘ ഏഴിമല പൂഞ്ചോസ’ എന്ന ഗാനം റീമാസ്റ്റര്‍ ചെയ്ത് പുറത്തിറങ്ങി. ഇതിനെതിരെ രംഗത്തെത്തിയിരിക്കുകയാണ് ഭദ്രന്‍.
ആ വിഡിയോയ്ക്ക് താഴെയുള്ള കമന്റുകള്‍ തന്നെ അലോസരപ്പെടുത്തിയെന്നാണ് ഭദ്രന്‍ ഫേസ്ബുക്കില്‍ കുറിച്ചത്. അതേ രൂപത്തില്‍ സിനിമ കണ്ടാല്‍ കൊള്ളാം എന്നുള്ള കമന്റുകളാണ് പുറത്തുവന്നത്. ചിത്രത്തിന്റെ റീമാസ്റ്ററിംഗ് അവസാനഘട്ട പണിപ്പുരയിലാണ്. ഇതിനിടെയാണ് ചിത്രത്തിലെ ഗാനം റീമാസ്റ്റര്‍ ചെയ്ത് പുറത്തിറങ്ങിയതെന്നും ഭദ്രന്‍ ആരോപിച്ചു.
ഫേസ്ബുക്ക് പോസ്റ്റിന്റെ പൂര്‍ണരൂപം
എന്നെ സ്‌നേഹിക്കുന്ന,സിനിമയെ സ്‌നേഹിക്കുന്ന പ്രേക്ഷകരുടെ ശ്രദ്ധയിലേയ്ക്ക് സന്തോഷപൂര്‍വ്വം ഒരു കാര്യം അറിയിക്കട്ടെ….
സ്ഫടികം സിനിമയിലെ ‘ഏഴിമല പൂഞ്ചോല ‘എന്ന പാട്ട് remaster ചെയ്ത് ഇറക്കിയതായി അവകാശപ്പെടുന്ന ഒരു വീഡിയോ കാണുക ഉണ്ടായി…
അതിന്റെ കീഴെ ചേര്‍ത്തിരിക്കുന്ന ആരാധകരുടെ exciting ആയുള്ള കമന്റുകളും കണ്ടു. സന്തോഷം
അത് ഏത് തരത്തിലുള്ള remastering ആണ് അവര്‍ ചെയ്തിരിക്കുന്നത് എന്ന് ഞങ്ങള്‍ക്കറിയില്ല.. ആര് ചെയ്തിരിക്കുന്നു എന്നും അറിയില്ല…അതേ രൂപത്തില്‍ സിനിമ കണ്ടാല്‍ കൊള്ളാം എന്നുള്ള കമെന്റുകള്‍ എന്നെ തെല്ല് അലോസരപ്പെടുത്താതിരുന്നില്ല..
ഞാന്‍ കൂടി ഉള്‍പ്പെട്ട Geometrics Film House എന്ന കമ്പനി,10 മടങ്ങ് ക്വാളിറ്റിയിലും ടെക്‌നിക്കല്‍ എക്‌സലെന്‍സിയിലും അതിന്റെ ഒറിജിനല്‍ നെഗറ്റീവില്‍ നിന്നുള്ള perfect remastering പ്രൊഡ്യൂസര്‍ R. മോഹനില്‍ നിന്ന് വാങ്ങി തിയേറ്ററില്‍ എത്തിക്കാനുള്ള അവസാന പണിപ്പുരയില്‍ ആണ്.
Chennai, 4frames sound കമ്പനിയില്‍ അതിന്റെ 4k atmos മിക്‌സിങ്ങും interesting ആയുള്ള ആഡ് ഓണുകളും ചേര്‍ത്ത് കൊണ്ട് തിയേറ്റര്‍ റിലീസിലേക്ക് ഒരുക്കി കൊണ്ടിരിക്കുകയാണ്..
ഈ വാര്‍ത്ത കഴിയുമെങ്കില്‍ ഒന്ന് ഷെയര്‍ ചെയ്താല്‍ നല്ലതായിരുന്നു…
സ്‌നേഹത്തോടെ
ഭദ്രന്‍
