കമല്‍ ഹാസന്‍ നായകനായി എത്തുന്ന വിക്രം എന്ന ചിത്രത്തിന്റെ ഷൂട്ടിംഗ് പൂര്‍ത്തിയായതായി സംവിധായകന്‍ ലോകേഷ് കനകരാജ്. ഫഹദ് ഫാസില്‍, നരേന്‍ ഉള്‍പ്പെടെയുള്ള ഒരു വിഡിയോ പങ്കുവച്ചാണ് ലോകേഷ് ഈ വിവരം അറിയിച്ചത്. തോക്കെടുത്ത് പൊട്ടിക്കുന്ന ഫഹദിനെ വിഡിയോയില്‍ കാണാം. ചിത്രത്തിലെ അഭിനേതാക്കള്‍ക്കും സാങ്കേതിക പ്രവര്‍ത്തകര്‍ക്കും സംവിധായകന്‍ നന്ദി പറഞ്ഞു.
ഫഹദിനും നരേനിനും പുറമേ ‘വിക്രം’ ചിത്രത്തില്‍ മലയാളത്തില്‍ നിന്ന് കാളിദാസ് ജയറാം കൂടിയുണ്ട്. 110 ദിവസങ്ങളെടുത്താണ് ചിത്രത്തിന്റെ ഷൂട്ടിംഗ് പൂര്‍ത്തിയാക്കിയത്. രത്‌നകുമാറും ലോകേഷ് കനകരാജും ചേര്‍ന്നാണ് ചിത്രത്തിന്റെ തിരക്കഥ രചിച്ചിരിക്കുന്നത്.
കമല്‍ഹാസന്റെ വിക്രത്തിന്റെ ഓഡിയോ റൈറ്റ്‌സ് സോണി മ്യൂസിക് സ്വന്തമാക്കിയിരുന്നു. കമല്‍ഹാസന്‍ തന്നെയാണ് വിക്രം സിനിമയുടെ നിര്‍മ്മാണം. അനിരുദ്ധ് ആണ് ചിത്രത്തിന്റെ സംഗീത സംവിധാനം നിര്‍വഹിക്കുന്നത്. എഡിറ്റിംഗ് ഫിലോമിന്‍ രാജ്. 2022ല്‍ തന്നെ കമല്‍ഹാസന്‍ ചിത്രം തിയറ്ററുകളിലെത്തിക്കാനാണ് പദ്ധതി.
After 110 days of shoot it’s a WRAP 🔥
Thanx to the entire cast and crew for the EXTRAORDINARY effort! 🙏🏻@ikamalhaasan @VijaySethuOffl #FahadhFaasil @anirudhofficial #VIKRAM pic.twitter.com/5xwiFTHaZH— Lokesh Kanagaraj (@Dir_Lokesh) March 1, 2022
