കഴിഞ്ഞ കുറച്ചു ദിവസങ്ങളായി സ്റ്റാന്‍ലിയുടെ പിന്നാലെയായിരുന്നു സോഷ്യല്‍ മീഡിയ. ആരാണ് സ്റ്റാന്‍ലി, എവിടെയാണ് സ്റ്റാന്‍ലി എന്നെല്ലാം അന്വേഷിച്ച് നടന്ന പ്രേക്ഷകര്‍ ചില നിഗമനങ്ങളില്‍ എത്തിയിരുന്നു. മമ്മൂട്ടിയോ, മോഹന്‍ലാലോ, ദുല്‍ഖര്‍ സല്‍മാനോ ആകാം സ്റ്റാന്‍ലിയെന്നായിരുന്നു പലരുടേയും നിഗമനം. എന്നാല്‍ സോഷ്യല്‍ മീഡിയ തിരഞ്ഞ ആ സ്റ്റാന്‍ലി മലയാളത്തിന്റെ പ്രിയതാരം നിവിന്‍ പോളിയാണ്.
കായംകുളം കൊച്ചുണ്ണിക്ക് ശേഷം നിവിന്‍ പോളിയും റോഷന്‍ ആന്‍ഡ്രൂസും ഒന്നിക്കുന്ന സാറ്റര്‍ഡേ നൈറ്റ്‌സ് എന്ന ചിത്രത്തിലെ കഥാപാത്രമാണ് സ്റ്റാന്‍ലി. ചിത്രത്തിന്റെ ഫസ്റ്റ് ലുക്ക് പുറത്തിറങ്ങി. പൂജ റിലീസ് ആയിട്ടാണ് ചിത്രം തീയറ്ററുകളില്‍ എത്തുന്നത്. കിറുക്കനുംകൂട്ടുകാരും എന്ന ടാഗ് ലൈനോട് കൂടിയാണ് ഫസ്റ്റ് ലുക്ക് പുറത്തിറക്കിയിരിക്കുന്നത്. ദുബായ്, ബാംഗ്ലൂര്‍, മൈസൂര്‍ എന്നിവിടങ്ങളിലായാണ് ചിത്രത്തിന്റെ ഷൂട്ടിംഗ് നടക്കുന്നത്.
അജിത്ത് വിനായക ഫിലിംസിന്റെ ബാനറില്‍ വിനായക അജിത്താണ് നിര്‍മിക്കുന്നത്. നിവിന്‍ പോളിക്കൊപ്പം സിജു വില്‍സന്‍, സൈജു കുറുപ്പ്, അജു വര്‍ഗീസ്, ഗ്രേസ് ആന്റണി, സാനിയ ഇയ്യപ്പന്‍, മാളവിക, പ്രതാപ് പോത്തന്‍, ശാരി, വിജയ് മേനോന്‍, അശ്വിന്‍ മാത്യു എന്നിവര്‍ ഒന്നിക്കുന്ന ചിത്രത്തിനായി നവീന്‍ ഭാസ്‌കറാണ് തിരക്കഥ ഒരുക്കുന്നത്.
അസ്ലം കെ പുരയില്‍ ഛായാഗ്രഹണം നിര്‍വഹിക്കുന്ന ചിത്രത്തിനായി ജേക്‌സ് ബിജോയ് സംഗീതം ഒരുക്കുന്നു. പ്രൊഡക്ഷന്‍ ഡിസൈനര്‍- അനീസ് നാടോടി, കോസ്റ്റ്യൂം ഡിസൈനര്‍- സുജിത്ത് സുധാകരന്‍, മേക്കപ്പ്- സജി കൊരട്ടി, ആര്‍ട്ട് ഡയറക്ടര്‍- ആല്‍വിന്‍ അഗസ്റ്റിന്‍, പ്രൊഡക്ഷന്‍ കണ്‍ട്രോളര്‍- നോബിള്‍ ജേക്കബ്, കളറിസ്റ്റ്- ആശിര്‍വാദ് ഹദ്കര്‍, ഡി ഐ- പ്രൈം ഫോക്കസ് മുംബൈ, സൗണ്ട് ഡിസൈന്‍- രംഗനാഥ് രവി, ഓഡിയോഗ്രാഫി- രാജകൃഷ്ണന്‍ എം ആര്‍, ആക്ഷന്‍- അലന്‍ അമിന്‍, മാഫിയ ശശി, കൊറിയോഗ്രാഫര്‍- വിഷ്ണു ദേവ, സ്റ്റില്‍സ്- സലീഷ് പെരിങ്ങോട്ടുക്കര, ഡിസൈന്‍- ആനന്ദ് ഡിസൈന്‍സ്, ചീഫ് അസ്സോസിയേറ്റ് ഡയറക്ടര്‍- കെ. സി. രവി, അസ്സോസിയേറ്റ് ഡയറക്ടര്‍- ദിനേഷ് മേനോന്‍
