മലയാളത്തിന്റെ സ്വന്തം സംവിധായകൻ അൻവർ റഷീദ് സംവിധാനം ചെയ്ത സൂപ്പർഹിറ്റ് ചിത്രമാണ് ‘ഉസ്താദ് ഹോട്ടൽ’. ദുൽഖറും തിലകനും മുഖ്യകഥാപാത്രങ്ങളെ അവതരിപ്പിച്ച ചിത്രത്തിൽ, വാതിലില്‍ ആ വാതിലിൽ…എന്ന ഗാനരംഗത്തിലൂടെ ശ്രദ്ധേയയായ യുവനടിയാണ് മാളവിക നായർ.തിലകൻ അവതരിപ്പിച്ച ഉപ്പൂപ്പ കഥാപാത്രത്തിന്റെ ഫ്ളാഷ്ബാക്ക് പറഞ്ഞു പോകുമ്പോൾ പ്രത്യക്ഷപ്പെടുന്ന മണവാട്ടി പെണ്ണിന്റെ വേഷത്തിൽ മാളവിക തിളങ്ങി.
ഇപ്പോഴിതാ, മാളവികയുടെ ചില സ്റ്റൈലിഷ് ഫോട്ടോഷൂട്ട് ചിത്രങ്ങളാണ് സോഷ്യൽ മീഡിയ ആഘോഷമാക്കുന്നത്.മുംബൈയിൽ ജനിച്ചു വളർന്ന മാളവിക മോഡലിങ്ങിലൂടെയാണ് അഭിനയത്തിലെത്തിയത്. 2013ൽ ‘ബ്ലാക്ക് ബട്ടർഫ്ലൈ’ എന്ന ചിത്രത്തിലൂടെയാണ് മാളവിക നായികയായത്. കര്‍മ്മയോദ്ധ, പുതിയ തീരങ്ങള്‍, പകിട തുടങ്ങിയ ചിത്രങ്ങളിലും മാളവിക അഭിനയിച്ചു. ‘കുക്കു’ ആയിരുന്നു മാളവികയുടെ ആദ്യ തമിഴ് ചിത്രം. ദുൽഖറും കീർത്തി സുരേഷും പ്രധാന വേഷങ്ങളിലെത്തിയ തെലുങ്ക് ചിത്രം ‘മഹാനടി’യിലും മാളവിക അഭിനയിച്ചിരുന്നു.
