മലയാള സിനിമയ്ക്ക് എന്നും അഭിമാനിക്കാവുന്ന അതിഗംഭീരവും വ്യത്യസ്ത‌ത നിറഞ്ഞ പ്രമേയവുമായി പുറത്തിറങ്ങിയ സൂപ്പര്‍ ഹിറ്റ് ക്രൈം ത്രില്ലര്‍ ജീത്തു ജോസഫ് ചിത്രമാണ് ‘ദൃശ്യം’ .ചിത്രം കേരളത്തില്‍ മാത്രമല്ല,ഇന്ത്യയിലെ മറ്റ് സംസ്ഥാനങ്ങളിലും വന്‍ പ്രേക്ഷക ശ്രദ്ധ തന്നെയാണ് നേടിയിരുന്നത്. പ്രേക്ഷകന് ഒരുതരത്തിലും ഊഹിക്കാൻ പറ്റാത്ത കഥയുണ് അവസാനം വരെ നീണ്ടുനില്‍ക്കുന്ന ആകാംഷാഭരിതമായ രംഗങ്ങളും ചിത്രത്തിന്റെ ഓരോ ദൃശ്യങ്ങളേയും തിയേറ്ററുകളില്‍ വേറിട്ട അനുഭവമാക്കി മാറ്റി. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂര്‍ ആണ് ചിത്രം നിർമിച്ചത്.മലയാളത്തിലെ ആദ്യ 50 കോടി ക്ലബ്ബ് ചിത്രവും ദൃശ്യം ആയിരുന്നു.
ദൃശ്യത്തിന്റെ തിരക്കഥയുടെ പകര്‍പ്പവകാശം ഒരു ചൈനീസ് പ്രൊഡക്ഷന്‍ കമ്പനി വാങ്ങിയിരിക്കുന്നു എന്ന എന്ന വാർത്ത നേരത്തെ പുറത്ത് വന്നിരുന്നു. ജീത്തു ജോസഫ് തന്നെയാണ് തന്റെ ഫേസ്ബുക്ക് പോസ്റ്റിലൂടെ വിവരം ആരാധകരെ അറിയിച്ചത്.
അദ്ദേഹം പണ്ട് കുറിച്ച ഫേസ്ബുക്ക് പോസ്റ്റ് ചുവടെ:
ഇന്ത്യയിലെ ഒരു റീജിയണല്‍ ഭാഷയിലെ സിനിമയുടെ റൈറ്റ്‌സ് ഇതാദ്യമായാണ് ഒരു ചൈനീസ് പ്രൊഡക്ഷന്‍ ടീം വാങ്ങുന്നത്. ഏറെ സന്തോഷമുണ്ട്, കൂടെ നിന്ന നിങ്ങളോരോരുത്തരോടും ഈ ഒരു അവസരം ഒരുക്കിത്തന്ന സുരേഷ് ബാലാജി സാറിനും ഹൃദയത്തിന്റെ ഭാഷയില്‍ നന്ദി പറയുന്നതായും ജീത്തു ജോസഫ് പറഞ്ഞു. ചൈനീസ് കമ്പനി അധികൃതരോടൊപ്പമിരിക്കുന്ന വീഡിയോയും ജീത്തു പോസ്റ്റ് ചെയ്തിട്ടുണ്ട് ഫേസ്ബുക്ക് പോസ്റ്റിന്റെ പൂര്‍ണ രൂപം മോഹന്‍ലാലിനെ നായകനാക്കി, ആന്റണി പെരുമ്പാവൂര്‍ നിര്‍മ്മിച്ച് ഞാന്‍ സംവിധാനം ചെയ്ത് 2013ല്‍ പുറത്തുവന്ന ദൃശ്യം ഞങ്ങള്‍ക്കേറെ ഹൃദയത്തോട് ചേര്‍ന്ന് നില്‍ക്കുന്ന ഒരു സിനിമയാണ്. ദൃശ്യത്തെ സംബന്ധിച്ചു ഒരു സന്തോഷകരമായ വാര്‍ത്ത നിങ്ങളോട് പറയാനുള്ളത് കൊണ്ടാണ് ഇതെഴുതുന്നത്, കാരണം ദൃശ്യത്തെ ഇത്രയും വലിയ ഒരു മഹാവിജയമാക്കിയത് നിങ്ങളാണ്, പ്രേക്ഷകര്‍. ദൃശ്യത്തിന്റെ തിരക്കഥയുടെ റൈറ്‌സ് ഒരു ചൈനീസ് പ്രൊഡക്ഷന്‍ കമ്പനി വാങ്ങിയിരിക്കുകയാണ്, ഇന്ത്യയിലെ ഒരു റീജിയണല്‍ ഭാഷയിലെ സിനിമയുടെ റൈറ്റ്‌സ് ഇതാദ്യമായിയാണ് ഒരു ചൈനീസ് പ്രൊഡക്ഷന്‍ ടീം വാങ്ങുന്നത്. ഏറെ സന്തോഷമുണ്ട്, കൂടെ നിന്ന നിങ്ങളോരോരുത്തരോടും പിന്നെ ഈ ഒരു അവസരം ഒരുക്കിത്തന്ന സുരേഷ് ബാലാജി സാറിനും ഹൃദയത്തിന്റെ ഭാഷയില്‍ നന്ദി സന്തോഷത്തിന്റെ വസന്തകാലങ്ങള്‍ ഇനിയും വന്നുചേരട്ടെ എന്ന പ്രാര്‍ത്ഥനയോടെ ജീത്തു ജോസഫ്
ഇപ്പോൾ ചിത്രത്തിന്റെ ട്രെയിലർ പുറത്ത് വന്നിരിക്കുകയാണ്.ഷീപ് വിത്ത് ഔട്ട് എ ഷെപ്പേർഡ് എന്നാണ് ചിത്രത്തിന്റെ പേര്.ഡിസംബർ 20നാണ് ചിത്രം റിലീസ് ചെയ്യുന്നത്.ട്രയ്ലർ കാണാം
