സോഷ്യല്‍ മീഡിയയിലും സിനിമയിലും ഒരു പോലെ സജീവമാണ് ദൃശ്യ രഘുനാഥ്. സ്‌കൂള്‍ കാലഘട്ടത്തില്‍ തന്നെ നാടകങ്ങളിലും ഡാന്‍സിലും മോണോ ആക്ടിലും ഒരു പോലെ തിളങ്ങിയ താരം ന്യൂജന്‍ സംവിധായകന്‍ ഒമര്‍ ലുലു സംവിധാനം ചെയ്ത ഹാപ്പി വെഡിങ്ങിലൂടെയാണ് സിനിമയിലേക്കെത്തുന്നത്. 2016ലാണ് ഹാപ്പി വെഡ്ഡിങ് പുറത്തിറങ്ങിയത്. പിന്നീട് 2017ല്‍ മാച്ച് ബോക്‌സ് എന്ന ചിത്രത്തിലും ദൃശ്യ അഭിനയിച്ചിരുന്നു. ശിവറാം മോണി ആണ് ഈ സിനിമ സംവിധാനം ചെയ്തത്. ശാദി മുബാറക് എന്ന സിനിമയാണ് താരത്തിന്റെ അവസാനമായി പുറത്തിറങ്ങിയ ചിത്രം.
ഇപ്പോഴിതാ അല്ലു അര്‍ജുന്‍ അഭിനയിച്ച ‘അങ്ങ് വൈകുണ്ഠപുരത്ത്’ എന്ന ചിത്രത്തിലെ ബുട്ട ബൊമ്മ എന്ന ഗാനത്തിന് ചുവടു വെച്ചിരിക്കുകയാണ് ദൃശ്യയും കൂട്ടുകാരിയും. ഇന്‍സ്റ്റഗ്രാം റീല്‍സില്‍ പങ്കു വെച്ച ഈ വീഡിയോ നിമിഷ നേരം കൊണ്ടാണ് വൈറല്‍ ആയി മാറിയത്. യൂട്യൂബില്‍ ഹിറ്റായ ഈ ഗാനം ടിക്ക്‌ടോക്കിലൂടെ വീണ്ടും പ്രേക്ഷക പ്രീതിയാര്‍ജിച്ചിരുന്നു. ഓസ്ട്രേലിയന്‍ ക്യാപ്റ്റന്‍ വാര്‍ണറും ബുട്ട ബൊമ്മക്ക് വേണ്ടി ചുവടു വച്ചിരുന്നു. ഭാഷ ഭേദമില്ലാതെ നിരവധിപേര്‍ ചുവടു വെച്ച ഈ ഗാനത്തിന്റെ വിഡിയോകള്‍ ഇപ്പോഴും ഇന്‍സ്റ്റാഗ്രാമിലും ഫേസ്ബുക്കിലും വൈറലാണ്.
