മമ്മൂക്കയും ലാലേട്ടനും പൃഥ്വിയും ടോവിനോയുമെല്ലാം കരസ്ഥമാക്കിയ ഗോൾഡൻ വിസ മലയാളികളുടെ പ്രിയ നായകൻ ദുൽഖർ സൽമാനും സ്വന്തമാക്കി. മലയാള സിനിമയിൽ ഇവരെക്കൂടാതെ നടന്മാരായ ടൊവിനോ തോമസ്, മിഥുൻ രമേശ്, നടി നൈല ഉഷ എന്നിവരും ഗോൾഡൻ വിസ നേടിയിട്ടുണ്ട്. വിവിധ മേഖലകളില് സംഭാവന നല്കിയ വ്യക്തികള്ക്കാണ് യു എ ഇ ഗോള്ഡന് വിസ നല്കുന്നത്. രണ്ടുവര്ഷം കൂടുമ്പോള് പുതുക്കുന്ന എംപ്ലോയ്മെന്റ് വിസക്ക് പകരം 10 വര്ഷത്തേക്ക് വിസ അനുവദിക്കുന്നതാണ് ഗോള്ഡന് വിസ. നേരത്തെ ഷാരൂഖ് ഖാന്, സഞ്ജയ് ദത്ത് തുടങ്ങിയ ബോളിവുഡ് താരങ്ങള്ക്കും സാനിയ മിര്സ ഉള്പ്പെടെയുള്ള കായികതാരങ്ങള്ക്കും ഗോള്ഡന് വിസ ലഭിച്ചിട്ടുണ്ട്.
അബുദാബി കൾച്ചർ & ടൂറിസം വകുപ്പിന്റെ അണ്ടർ സെക്രട്ടറിയായ ഹിസ് എക്സലൻസി സാവൂദ് അബ്ദുളസീസ് അൽ ഹൊസാനിയിൽ നിന്നുമാണ് ദുൽഖർ സൽമാൻ ഗോൾഡൻ വിസ സ്വീകരിച്ചത്. അബുദാബിയുടെ സാംസ്കാരിക രംഗത്തും വിനോദസഞ്ചാര രംഗത്തും കൈവരിച്ചുക്കൊണ്ടിരിക്കുന്ന വൻ മുന്നേറ്റത്തിൽ ഏറ്റവും വലിയൊരു പങ്ക് വഹിക്കുന്ന ഒരാളാണ് അദ്ദേഹം. ഇരുപത് വർഷത്തോളമായി അബുദാബിയുടെ ഉന്നമനത്തിനായി അഹോരാത്രം അധ്വാനിക്കുന്ന അദ്ദേഹം DCT അബുദാബിയുടെ അണ്ടർ സെക്രട്ടറിയായി നിയമിതനായതിന് ശേഷം കണ്ണഞ്ചിപ്പിക്കുന്ന വേഗത്തിലാണ് രാജ്യം എല്ലാ വിഭാഗത്തിലും പുരോഗതി കൈവരിച്ചുക്കൊണ്ടിരിക്കുന്നത്. ഇതിന് മുൻപ് അബുദാബി ഫിനാൻസ് & അഡ്മിനിസ്ട്രേഷൻ ആക്ടിങ്ങ് ഹെഡ്, അബുദാബി സെക്യൂരിറ്റീസ് എക്സ്ചേഞ്ചിന്റെ ഫിനാൻഷ്യൽ മാനേജർ, അഡ്വാൻസ്ഡ് ഇന്റഗ്രേറ്റഡ് സിസ്റ്റംസ് ചീഫ് ഫിനാൻഷ്യൽ ഓഫീസർ തുടങ്ങിയ പദവികളും അലങ്കരിച്ചിട്ടുണ്ട്. ഹിസ് എക്സലൻസി അൽ ഹൊസാനി വെൽബീയിങ് കമ്മിറ്റി ഓഫ് ദി അബുദാബി എക്സിക്യൂട്ടീവ് കൗൺസിൽ, ദി ഫിനാൻസ് ആൻഡ് ഡെവലപ്മെന്റ് കമ്മിറ്റി അറ്റ് ദി ഇന്റർനാഷണൽ അല്ലിയൻസ് ഫോർ ദി പ്രൊട്ടക്ഷൻ ഓഫ് ഹെറിറ്റേജ് ഇൻ കോൺഫ്ലിക്ട് ഏരിയാസ്, ദി അഡൽറ്റ് കമ്മിറ്റി അറ്റ് ദി അബുദാബി ഹെൽത്ത് സർവീസസ്, ദി ഹയർ കമ്മിറ്റി ഓഫ് ദി ഡിജിറ്റൽ ഗവണ്മെന്റ്, അബുദാബി സസ്റ്റൈനബിലിറ്റി ഗ്രൂപ്പ് തുടങ്ങിയ പല കമ്മിറ്റികളിലും അംഗം കൂടിയാണ്. ഇന്ത്യയിലും ഗൾഫ് രാജ്യങ്ങളിലുമായി നിരവധിപേർക്ക് നിരന്തരം പുതിയ ജോലിസാധ്യതകൾ കണ്ടെത്തി നൽകി ഈ രാജ്യങ്ങളുടെയെല്ലാം സാമ്പത്തികരംഗത്ത് വൻ കുതിപ്പേകിക്കൊണ്ടിരിക്കുന്ന മലയാളി വ്യവസായപ്രമുഖൻ ശ്രീ യൂസഫ് അലിയും ദുൽഖർ സൽമാൻ ഗോൾഡൻ വിസ ഏറ്റുവാങ്ങുന്ന വേളയിൽ സന്നിഹിതനായിരുന്നു.
സ്പോണ്സറുടെ ആവശ്യമില്ലാതെ തന്നെ യുഎഇയില് താമസിക്കാനും ജോലി ചെയ്യാനും പഠിക്കാനും വിദേശികളെ പ്രാപ്തരാക്കുന്ന ദീര്ഘകാല റസിഡന്റ് വിസകള്ക്കായി 2019ലാണ് യുഎഇ സര്ക്കാര് ഇത്തരമൊരു സംവിധാനം നടപ്പിലാക്കുന്നത്. അഞ്ചോ പത്തോ വര്ഷത്തെ കാലാവധി ഗോള്ഡന് വിസകള്ക്ക് നല്കപ്പെടും. കൂടാതെ ഇവ സ്വയമേവ പുതുക്കപ്പെടുകയും ചെയ്യും.സാധാരണഗതിയില് 10 വര്ഷത്തെ ഗോള്ഡന് വിസ ലക്ഷ്യമിടുന്നത് രാജ്യത്ത് താമസിച്ചുകൊണ്ട് യുഎഇയില് കാര്യമായ നിക്ഷേപം നല്കാന് താല്പ്പര്യമുള്ള സമ്പന്നരായ വ്യക്തികളെയാണ്. സംരംഭകരെ കൂടാതെ ഡോക്ടര്മാര്, ഗവേഷകര്, ശാസ്ത്രജ്ഞര്, കലാകാരന്മാര് തുടങ്ങിയ പ്രത്യേക കഴിവുള്ള വ്യക്തികള്ക്കും വിസയ്ക്ക് അപേക്ഷിക്കാം. കൂടാതെ പ്രത്യേക മേഖലകളിലെ പ്രതിഭകളെ ആകര്ഷിക്കുന്നത് ലക്ഷ്യമിട്ട് കമ്പ്യൂട്ടര്, ഇലക്ട്രോണിക്സ്, പ്രോഗ്രാമിംഗ്, ഇലക്ട്രിക്കല്, ഇലക്ട്രോണിക്സ്, ആക്റ്റീവ് ടെക്നോളജി, എഐ ആന്ഡ് ബിഗ് ഡാറ്റ എന്നീ മേഖലകളിലെ എല്ലാ എഞ്ചിനീയര്മാര്ക്കും ഗോള്ഡന് വിസ ലഭിക്കും. അംഗീകൃത സര്വകലാശാലകളില് നിന്ന് 3.8ഉം അതിനു മുകളിലും സ്കോര് നേടിയവര്ക്കും യുഎഇ 10 വര്ഷത്തെ ഗോള്ഡന് വിസ അനുവദിക്കാന് തീരുമാനിച്ചിട്ടുണ്ട്. യുഎഇ ഇന്വെന്റേഴ്സിനും ഗോള്ഡന് വിസ വാഗ്ദാനം ചെയ്യുന്നുണ്ടെങ്കിലും അവര് ആ വസ്തുവിന് പേറ്റന്റ് നേടേണ്ടതുണ്ട്. പേറ്റന്റുകള്ക്ക് സാമ്പത്തിക മന്ത്രാലയമാണ് അംഗീകാരം നല്കേണ്ടത്. ഇത് യുഎഇ സമ്പദ്വ്യവസ്ഥ വര്ധിക്കാന് കാരണമാകുമെന്നാണ് വിലയിരുത്തപ്പെടുന്നത്.
ഗവേഷകരും ശാസ്ത്രജ്ഞരും അതത് മേഖലകളിലെ വിദഗ്ധരാണെന്നത് കൊണ്ട് തന്നെ ഇവര്ക്കും ഗോള്ഡന് വിസയ്ക്ക് അര്ഹതയുണ്ട്. അതേസമയം ശാസ്ത്രജ്ഞര് എമിറേറ്റ്സ് സയന്റിസ്റ്റ് കൗണ്സില് അല്ലെങ്കില് മുഹമ്മദ് ബിന് റാഷിദ് മെഡല് ഫോര് സയന്റിഫിക് എക്സലന്സിന്റെ അംഗീകാരമുള്ളവരായിരിക്കണം. കലാകാരന്മാര്ക്കും ഗോള്ഡന് വിസ നല്കും. സാംസ്കാരിക, വിജ്ഞാന വികസന മന്ത്രാലയത്തിന്റെ അംഗീകാരം ഉള്ളവരായിരിക്കണം ഇവര്. 10 മില്യണ് ദിര്ഹമോ അതില് കൂടുതലോ നിക്ഷേപിച്ച വിദേശ നിക്ഷേപകര്ക്കും ഗോള്ഡന് വിസയ്ക്ക് അപേക്ഷിക്കാം.
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…
ജനപ്രിയ നായകൻ ദിലീപ് നായകനായി എത്തുന്ന പുതിയ ചിത്രം 'പവി കെയർ ടേക്കർ' ട്രയിലർ റിലീസ് ചെയ്തു. ഹാസ്യവും അതിനൊപ്പം…
സൂപ്പർ ഹിറ്റ് ആയിരുന്ന രാമലീല എന്ന ചിത്രത്തിന് ശേഷം ദിലീപിന് ഒപ്പം വീണ്ടും നടി രാധിക ശരത് കുമാർ. വിനീത്…
യുവനടൻമാരായ ധ്യാൻ ശ്രീനിവാസൻ, പ്രണവ് മോഹൻലാൽ, നിവിൻ പോളി എന്നിവരെ നായകരാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക്…