താനൊരു മികച്ച ഗായകനാണെന്ന് നേരത്തേ തന്നെ തെളിയിച്ചിട്ടുണ്ട് നടന്‍ ദുല്‍ഖര്‍ സല്‍മാന്‍. ഇപ്പോഴിതാ തമിഴില്‍ ആദ്യമായി പിന്നണി പാടിയിരിക്കുകയാണ് താരം. ദുല്‍ഖര്‍ തന്നെ നായകനായെത്തുന്ന ‘ഹേ സിനാമിക’യിലെ ‘അച്ചമില്ലൈ അച്ചമില്ലൈ’ എന്ന പാട്ടാണ് ഇപ്പോള്‍ പുറത്തു വന്നിരിക്കുന്നത്. ഗോവിന്ദ് വസന്തയാണ് പാട്ടിന് ഈണമൊരുക്കിയത്. പാട്ടിന്റെ ടീസര്‍ ദുല്‍ഖര്‍ സല്‍മാന്‍ സമൂഹമാധ്യമങ്ങളില്‍ പങ്കുവച്ചിരുന്നു.
ഗാനത്തിന്റെ ഷോട്ട് വീഡിയോ ദുല്‍ഖര്‍ സോഷ്യല്‍ മീഡിയയില്‍ പങ്കുവച്ചു. സംഗീത സംവിധാനം ഗോവിന്ദ് വസന്തയും വരികള്‍ മദന്‍ കര്‍ക്കിയുമാണ്. ‘അച്ചമില്ലൈ..’ എന്ന ഗാനം ജനുവരി 14നാണ് റിലീസ് ചെയ്യുക. മണിരത്നത്തിന്റെ സംവിധാനത്തില്‍ ദുല്‍ഖര്‍ സല്‍മാനും നിത്യാ മേനോനും കേന്ദ്രകഥാപാത്രങ്ങളായ ‘ഓകെ കണ്‍മണി’ എന്ന സിനിമയിലെ ഒരു ഗാനമാണ് ‘ഹേയ് സിനാമിക’. കാജല്‍ അഗര്‍വാളും, അദിതി റാവു ഹൈദരിയുമാണ് നായികമാര്‍. ചെന്നൈ ആയിരുന്നു പ്രധാന ലൊക്കേഷന്‍.
പശസ്ത കൊറിയോഗ്രാഫര്‍ ബൃന്ദ മാസ്റ്റര്‍ സംവിധാനം ചെയ്യുന്ന ചിത്രമാണ് ‘ഹേയ് സിനാമിക’. റൊമാന്റിക് എന്റര്‍ടെയിനറായ ‘ഹേയ് സിനാമിക’ ജിയോ സ്റ്റുഡിയോയും ഗ്ലോബല്‍ വണ്‍ സ്റ്റുഡിയോസും ചേര്‍ന്നു നിര്‍മിക്കുന്നു. ചിത്രം ഫെബ്രുവരി 25ന് തിയറ്ററുകളിലെത്തും.
