മമ്മൂട്ടിയെ കേന്ദ്രകഥാപാത്രമാക്കി അമല്‍ നീരദ് സംവിധാനം ചെയ്ത ഭീഷ്മപര്‍വ്വം 115 കോടി നേടിയതിന് പിന്നാലെ നൂറ് കോടി ക്ലബ്ബില്‍ ഇടം പിടിച്ച് ദുല്‍ഖര്‍ സല്‍മാന്റെ കുറുപ്പും. ചിത്രത്തിന്റെ ആഗോള ബിസിനസ് 112 കോടിയാണ്. ദുല്‍ഖര്‍ സല്‍മാന്‍ തന്നെയാണ് ചിത്രത്തിന്റെ ആഗോള ബിസിനസ് 112 കോടിയാണെന്ന് അറിയിച്ചത്.
കൊവിഡ് പ്രതിസന്ധിക്ക് ശേഷം തീയറ്ററുകളിലെത്തിയവയില്‍ വന്‍ തരംഗം സൃഷ്ടിച്ച ചിത്രമായിരുന്നു ഭീഷ്ണപര്‍വ്വം. ചിത്രം വളരെ വേഗത്തില്‍ നൂറ് കോടി ക്ലബ്ബില്‍ ഇടം പിടിച്ചു. തൊട്ടുപിന്നാലെ ചിത്രം 115 കോടി നേടിയെന്ന പ്രഖ്യാപനവുമെത്തി. കൊവിഡിന് ശേഷം ഈ നേട്ടം കൈവരിക്കുന്ന ആദ്യ മലയാള ചിത്രം എന്ന റെക്കോര്‍ഡ് സ്വന്തമാക്കിയിരിക്കുന്നത് ‘ഭീഷ്മപര്‍വം’ ആണ്. മികച്ച പ്രതികരണമാണ് ഭീഷ്മയ്ക്ക് തുടക്കം മുതലേ ആഗോളതലത്തില്‍ നിന്നടക്കം ലഭിച്ചിരുന്നത്.
2021 അവസാനമായിരുന്നു കുറുപ്പ് പ്രദര്‍ശനത്തിനെത്തിയത്. പിടികിട്ടാപ്പുള്ളി സുകുമാരക്കുറിപ്പിന്റെ കഥ പറഞ്ഞ ചിത്രം 112 കോടിയ്ക്കപ്പുറം മെഗാ ബ്ലോക്ക് ബസ്റ്റര്‍ എന്ന ഖ്യാതി കൂടി നേടിയിട്ടുണ്ട്. ഒപ്പം ‘കുറുപ്പി’ന്റെ സംപ്രേഷണാവകാശം സീ കമ്പിനിയ്ക്ക് നല്‍കിയിരിക്കുകയാണ് നിര്‍മ്മാതാക്കള്‍. വന്‍ തുടയ്ക്കാണ് ചിത്രത്തിന്റെ പ്രദര്‍ശനാവകാശം സീ കമ്പനിക്ക് നല്‍കിയിരിക്കുന്നത്.
