ജയസൂര്യ കേന്ദ്രകഥാപാത്രമായി എത്തിയ ചിത്രം ഈശോ സോണി ലിവിൽ ട്രെൻഡിങ്ങിൽ ഒന്നാമത്. നാദിർഷ സംവിധാനം ചെയ്ത ചിത്രം ഒ ടി ടിയിൽ ആയിരുന്നു റിലീസ് ചെയ്തത്. മികച്ച പ്രതികരണമാണ് ചിത്രത്തിന് ലഭിച്ചിരിക്കുന്നത്. സോണി ലിവിൽ സ്ട്രീമിംഗ് ആരംഭിച്ചതു മുതൽ മികച്ച പ്രതികരണമായിരുന്നു ചിത്രത്തിന് സോഷ്യൽ മീഡിയയിൽ ലഭിച്ചത്. ഈശോ സോണി ലിവിൽ ഒന്നാമത് എത്തിയതിന്റെ സന്തോഷം നാദിർഷയും പങ്കുവെച്ചു.
‘ഈശോ’ ഒക്ടോബർ അഞ്ചിന് സോണി ലൈവിലൂടെ സ്ട്രീമിംഗ് ആരംഭിച്ച് അഞ്ചു ദിവസങ്ങൾ പിന്നിടുമ്പോൾ പുതിയ റെക്കോർഡുകൾ സ്വന്തമാക്കിയിരിക്കുകയാണ്. സോണി ലൈവിൽ പ്രദർശനം തുടരുന്ന ചിത്രം ഇപ്പോൾ ട്രെൻഡിംങ്ങിൽ ഒന്നാം സ്ഥാനത് ആണ്. കൂടാതെ സമീപകാലത്ത് ഏറ്റവും കൂടുതൽ ആളുകൾ സോണി ലൈവിൽ കണ്ട ചിത്രമെന്ന നേട്ടവും ചിത്രം സ്വന്തമാക്കിയിരിക്കുകയാണ്. ആദ്യത്തെ 5 ദിവസങ്ങൾക്കുള്ളിൽ ഒന്നരമില്ല്യൻ കാഴ്ചക്കാരും പതിനൊന്നായിരം പുതിയ Subscribers മായി ഈശോ Sony Livൽ റെക്കോർഡുകൾ മറികടന്നു എന്നറിയുമ്പോൾ ഒരുപാട് ഒരുപാട് സന്തോഷം. ഈ ചെറിയ സിനിമയെ വലിയ വിജയമാക്കിയ പ്രേക്ഷകർക്ക് നന്ദി, ഒത്തിരി സ്നേഹം’ – നാദിർഷ കുറിച്ചു.
മലയാളം, തമിഴ്, തെലുങ്ക്, ഹിന്ദി, കന്നഡ എന്നീ ഭാഷകളിലാണ് ചിത്രം പ്രേക്ഷകരിലേക്ക് എത്തിയത്. സുനീഷ് വാരനാടിന്റേതാണ് ചിത്രത്തിന്റെ തിരക്കഥ. നമിത പ്രമോദ്, ജോണി ആന്റണി, സുരേഷ് കൃഷ്ണ, കോട്ടയം നസീര്‍ തുടങ്ങിയവരും ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നുണ്ട്. അരുണ്‍ നാരായണ്‍ പ്രൊഡക്ഷന്‍സിന്റെ ബാനറില്‍ അരുണ്‍ നാരായണാണ് ചിത്രം നിര്‍മിക്കുന്നത്. റോബി വര്‍ഗീസാണ് ചിത്രത്തിന്റെ ഛായാഗ്രഹണം നിര്‍വഹിച്ചിരിക്കുന്നത്. സുജേഷ് ഹരിയുടെ വരികള്‍ക്ക് സംഗീതം പകരുന്നത് നാദിര്‍ഷ തന്നെയാണ്. എന്‍ എം ബാദുഷാ, ബിനു സെബാസ്റ്റ്യന്‍ എന്നിവരാണ് എക്‌സിക്യൂട്ടീവ് പ്രൊഡ്യൂസേഴ്സ്. റീറെക്കോര്‍ഡിങ്ങ്- ജേക്‌സ് ബിജോയ്, ആര്‍ട്ട്- സുജിത് രാഘവ്, എഡിറ്റിംഗ്- ഷമീര്‍ മുഹമ്മദ്, പ്രൊഡക്ഷന്‍ കണ്‍ട്രോളര്‍- നന്ദു പൊതുവാള്‍, കോസ്റ്റ്യൂം- അരുണ്‍ മനോഹര്‍, ആക്ഷന്‍- ജോളി ബാസ്റ്റിന്‍, കൊറിയോഗ്രാഫി- ബൃന്ദ മാസ്റ്റര്‍, ചീഫ് അസ്സോസിയേറ്റ്- സൈലെക്‌സ് എബ്രഹാം, അസ്സോസിയേറ്റ്- വിജീഷ് പിള്ളൈ, കോട്ടയം നസീര്‍, മേക്കപ്പ്- പി വി ശങ്കര്‍, സ്റ്റില്‍സ്- സിനറ്റ് സേവ്യര്‍, ഡിസൈന്‍- ടെന്‍ പോയിന്റ് ഡിജിറ്റല്‍ മാര്‍ക്കറ്റിംഗ്- അനൂപ് സുന്ദരന്‍.
