തെന്നിന്ത്യൻ താരസുന്ദരി സാമന്തയുടെ പിറന്നാൾ ആണിന്ന്. പിറന്നാൾ ദിനത്തിൽ താരസുന്ദരിക്ക് ക്ഷേത്രം തന്നെ പണിതു നൽകിയിരിക്കുകയാണ് ഒരു ആരാധകൻ. സാമന്തയുടെ കടുത്ത ആരാധകനായ തെനാലി സന്ദീപ് ആണ് തന്റെ പ്രിയപ്പെട്ട നടിക്ക് ഒരു ക്ഷേത്രം പണിതു നൽകാൻ തീരുമാനിച്ചത്. ആന്ധ്രാപ്രദേശിലെ ബപാട് ലയിലെ അലപാഡു ഗ്രാമത്തിലാണ് ക്ഷേത്രം പണിതത്.
പിറന്നാൾ ദിനത്തിനു മുമ്പായി തന്നെ സാമന്തയുടെ പ്രതിമയുടെ പണി സന്ദീപ് പൂർത്തിയാക്കി. ഇതിനകം തന്നെ ക്ഷേത്രവും ക്ഷേത്രത്തിലെ പ്രതിമയും സോഷ്യൽ മീഡിയയിൽ വൈറലായി മാറിയിരിക്കുകയാണ്. സാമന്തയുടെ പിറന്നാൾ ദിനമായ ഏപ്രിൽ 28ന് ക്ഷേത്രം തുറന്നു കൊടുക്കാനാണ് സന്ദീപ് തീരുമാനിച്ചത്.
ഏതായാലും സ്വന്തം പേരിൽ ക്ഷേത്രമുള്ള താരറാണിമാരുടെ ഒപ്പം എത്തിയിരിക്കുകയാണ് സാമന്തയും ഇപ്പോൾ. ഖുശ്ബു, നമിത, ഹൻസിക മോട് വാനി, നയൻതാര എന്നീ താരങ്ങൾക്ക് അവരുടെ ആരാധകർ തമിഴ് നാട്ടിൽ ക്ഷേത്രം പണിതിട്ടുണ്ട്. പ്രത്യുഷ ഫൗണ്ടേഷൻ വഴി സാമന്ത നടത്തുന്ന ജീവകാരുണ്യ പ്രവർത്തനങ്ങളുടെ ആരാധകൻ കൂടിയാണ് താനെന്ന് ക്ഷേത്രം പണിത സന്ദീപ് പറഞ്ഞു.
