മലയാളത്തില്‍ മറ്റൊരു ക്യാമ്പസ് ചിത്രം കൂടി. പുതിയ കാലത്തെ ക്യാമ്പസിന്റെ കഥ പറയുന്ന ഹയ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറക്കി. വാസുദേവ് സനലാണ് ചിത്രം സംവിധാനം ചെയ്യുന്നത്. പുതുമുഖങ്ങളാണ് ചിത്രത്തില്‍ അണി നിരക്കുന്നത്. ക്യാമ്പസ് ത്രില്ലറായിരിക്കും ചിത്രമെന്നാണ് അണിയറപ്രവര്‍ത്തകര്‍ നല്‍കുന്ന വിവരം.
സിക്സ് സില്‍വര്‍ സോള്‍സ് സ്റ്റുഡിയോയാണ് ചിത്രം നിര്‍മിക്കുന്നത്. സൗഹൃദവും പ്രണയവും മത്സരവും വാശിയുമെല്ലാം ഇടകലര്‍ന്നതായിരിക്കും ‘ഹയ’. ക്യാമ്പസ് ജീവിതത്തിന്റെ ആഘോഷത്തുടിപ്പിനൊപ്പം കാലികപ്രാധാന്യമുള്ള ഒരു വിഷയം കൂടി ചിത്രം പറഞ്ഞുപോകുന്നുണ്ട്. മനോജ് ഭാരതിയാണ് ചിത്രത്തിന്റെ രചന നിര്‍വഹിച്ചിരിക്കുന്നത്.
പുതുമുഖങ്ങള്‍ക്കൊപ്പം ഗുരു സോമസുന്ദരവും ഇന്ദ്രന്‍സും ചിത്രത്തില്‍ നിര്‍ണായക കഥാപാത്രങ്ങളെ അവതരിപ്പിക്കുന്നുണ്ട്. ലാല്‍ജോസ്, ജോണി ആന്റണി, ശ്രീധന്യ, കോട്ടയം രമേശ്, ശ്രീകാന്ത് മുരളി, സണ്ണി സരിഗ, ബിജുപപ്പന്‍, ശ്രീരാജ്, ലയ സിംസണ്‍, അക്ഷയ ഉദയകുമാര്‍, വിജയന്‍ കാരന്തൂര്‍, ശംഭു തുടങ്ങിയവരാണ് മറ്റ് അഭിനേതാക്കള്‍.
ജിജു സണ്ണിയാണ് ചിത്രത്തിന്റെ ഛായാഗ്രഹണം നിര്‍വഹിച്ചിരിക്കുന്നത്. അരുണ്‍തോമസ് എഡിറ്റിംഗും സാബുറാം ആര്‍ട്ടും നിര്‍വഹിക്കുന്നു. മസാലകോഫി ബാന്‍ഡിലെ വരുണ്‍ സുനിലാണ് സംഗീത സംവിധാനം. പ്രൊഡക്ഷന്‍ കണ്‍ട്രോര്‍- എസ് മുരുഗന്‍, ഫിനാന്‍സ് കണ്‍ട്രോളര്‍- മുരളീധരന്‍ കരിമ്പന, പ്രൊഡക്ഷന്‍ കോര്‍ഡിനേറ്റര്‍- സണ്ണി തഴുത്തല, പ്രൊഡക്ഷന്‍ എക്സിക്യൂട്ടീവ്- വിജയ് ജി എസ്, എബിന്‍ ഇ എ, കോസ്റ്റ്യൂം- അരുണ്‍ മനോഹര്‍ മേക്കപ്പ്- ലിബിന്‍, പിആര്‍ഒ- വാഴൂര്‍ ജോസ്, ആതിര ദില്‍ജിത്ത്, സ്റ്റില്‍സ്- അജി മസ്‌കറ്റ്, ഡിജിറ്റല്‍ മാര്‍ക്കറ്റിംഗ്-എന്റര്‍ടെയ്ന്‍മെന്റ് കോര്‍ണര്‍, പബ്ലിസിറ്റി ഡിസൈനര്‍ യെല്ലോ ടൂത്ത് എന്നിവരാണ് മറ്റ് അണിയറപ്രവര്‍ത്തകര്‍.
