താന്തോന്നിക്ക് ശേഷം ജോര്‍ജ് വര്‍ഗീസ് സംവിധാനം ചെയ്യുന്ന ഐസിയു എന്ന ചിത്രത്തിന്റെ ഫസ്റ്റ് ലുക്ക് പുറത്ത്. 2010 മാര്‍ച്ച് 19നായിരുന്നു താന്തോന്നി റിലീസ് ചെയ്തത്. താന്തോന്നി റിലീസ് ചെയ്ത ഇതേ ദിവസം നടന്‍ പൃഥ്വിരാജിന്റെ ഫേസ്ബുക്ക് പേജ് വഴിയാണ് ഐസിയുവിന്റെ ഫസ്റ്റ് ലുക്ക് പുറത്തുവിട്ടത്. ബിബിന്‍ ജോര്‍ജും ബാബുരാജുമാണ് ചിത്രത്തില്‍ കേന്ദ്രകഥാപാത്രങ്ങള്‍. സസ്‌പെന്‍സ് ത്രില്ലര്‍ വിഭാഗത്തില്‍പ്പെടുന്നതാണ് ചിത്രം.
ചിത്രത്തിന്റെ കഥയും തിരക്കയും സംഭാഷണവും ഒരുക്കിയിരിക്കുന്നത് സന്തോഷ് കുമാറാണ്. മിനി സ്റ്റുഡിയോ ആണ് നിര്‍മാണം. സൂര്യ തമിഴില്‍ നിര്‍മിച്ച ഉറിയടി എന്ന സിനിമയുടെ നായിക വിസ്മയ ആണ് ചിത്രത്തിലെ നായിക. മുരളി ഗോപി, ശ്രീകാന്ത് മുരളി, മീര വാസുദേവ് എന്നിവരാണ് ചിത്രത്തിലെ മറ്റു പ്രധാന കഥാ പാത്രങ്ങളെ അവതരിപ്പിക്കുന്നത്. ഷിബു സുശീലനാണ് പ്രൊഡക്ഷന്‍ കണ്‍ട്രോളര്‍.
സി. ലോകനാഥന്‍ ഛായാഗ്രാഹണം നിര്‍വഹിക്കുന്ന ചിത്രത്തിന്റെ എഡിറ്റിംങ് കൈകാര്യം ചെയ്യുന്നത് ലിജോ പോള്‍ ആണ്. സംഗീതം ജോസ് ഫ്രാങ്ക്ളിന്‍, കലാസംവിധാനം- ബാവ , കോസ്റ്റ്യൂം ഡിസൈനര്‍- സ്റ്റെഫി സേവ്യര്‍, മേക്കപ്പ്- റോണക്‌സ്, ആക്ഷന്‍- മാഫിയ ശശി, സൗണ്ട് ഡിസൈന്‍- വിക്കി, കിഷന്‍, ശബ്ദ മിശ്രണം-എം.ആര്‍ രാജാകൃഷ്ണന്‍, പി.ആര്‍.ഒ- എസ് ദിനേശ്, ആതിര ദില്‍ജിത്ത്.
