ബാലതാരങ്ങളായെത്തി സിനിമാപ്രേമികളുടെ മനസിൽ ഇടം നേടിയ താരങ്ങൾ ഒരുമിച്ചെത്തുന്നു. ഒപ്പം യുവനടി മമിത ബൈജുവും. മമിത ബൈജു, ഗോപിക രമേശ് എന്നിവർ നായികമാരായി എത്തുന്ന ചിത്രത്തിൽ അമൽ ഷാ, ഗോവിന്ദ് വി പൈ, മിനോൺ, ഗൗരവ് മേനോൻ എന്നിവരാണ് മറ്റ് പ്രധാന താരങ്ങൾ. മാസ്ക് എന്ന ചിത്രത്തിന് ശേഷം സുനിൽ ഹനീഫ് സംവിധാനം ചെയ്യുന്ന ചിത്രം മെയ് 20ന് തിയറ്ററുകളിൽ റിലീസ് ചെയ്യും. ബ്ലൂം ഇന്റർനാഷണലിന്റെ ബാനറിൽ വേണു ഗോപാലകൃഷ്ണനാണ് ചിത്രം നിർമിക്കുന്നത്.
സിദ്ദിഖ്, ജോണി ആന്റണി, അലൻസിയാർ, സുരേഷ് കൃഷ്ണ, റോഷൻ ബഷീർ, പ്രശാന്ത് അലക്സാണ്ടർ, നവാസ് വള്ളിക്കുന്ന്, സാധിക വേണുഗോപാൽ, സ്മിനു, ഷൈനി സാറ, മജീദ് എന്നിവരാണ് ചിത്രത്തിലെ മറ്റ് പ്രധാന താരങ്ങൾ. വിധു ശങ്കർ, വൈശാഖ് എന്നിവർ ചേർന്നാണ് തിരക്കഥയും സംഭാഷണവും ഒരുക്കുന്നത്. പ്രകാശ് വേലായുധൻ ആണ് ഫോറിന്റെ ഛായാഗ്രഹണം.
എഡിറ്റര്‍: സൂരജ് ഇ എസ്, സംഗീതം: ബിജിപാൽ, ഗാനരചന: ബി ഹരിനാരായണൻ, പ്രൊഡക്ഷന്‍ കണ്‍ട്രോളര്‍: ജാവേദ് ചെമ്പ്, പ്രൊജ്ക്റ്റ് ഡിസൈനര്‍: റഷീദ് പുതുനഗരം, കല: ആഷിക്ക് എസ്, മേക്കപ്പ്: സജി കാട്ടാക്കട, വസ്ത്രലാങ്കാരം: ധന്യ ബാലകൃഷ്ണന്‍, ചീഫ് അസോസിയേറ്റ് ഡയറക്ടര്‍: ചാക്കോ കാഞ്ഞൂപറമ്പന്‍, ആക്ഷന്‍: അഷറഫ് ഗുരുക്കള്‍, പ്രൊഡക്ഷന്‍ എക്സിക്യൂട്ടീവ്: ശ്രീക്കുട്ടന്‍, സ്റ്റില്‍സ്: സിബി ചീരാന്‍, പി.ആർ.ഒ: പി.ശിവപ്രസാദ്, എ.എസ് ദിനേശ് എന്നിവരാണ് മറ്റ് അണിയറ പ്രവർത്തകർ.
