ഇന്നലെ അന്തരിച്ച നടന്‍ ജി.കെ.പിള്ളയ്ക്ക് ആദരം അര്‍പ്പിച്ച് മമ്മൂട്ടി. സിബിഐ 5ന്റെ ലൊക്കേഷനില്‍ അദ്ദേഹത്തിന്റെ ചിത്രത്തില്‍ പൂക്കള്‍ അര്‍പ്പിച്ചാണ് അദ്ദേഹം ആദരം നല്‍കിയത്. മുന്നൂറിലധികം സിനിമകളില്‍ അഭിനയിച്ചിട്ടുള്ള അദ്ദേഹം സീരിയലുകളിലും സജീവമായിരുന്നു. വില്ലന്‍ വേഷങ്ങളിലൂടെയാണ് പ്രശസ്തനായത്. സ്നാപക യോഹന്നാന്‍, തുമ്പോലാര്‍ച്ച, ലൈറ്റ് ഹൗസ്, നായരുപിടിച്ച പുലിവാല്‍, കണ്ണൂര്‍ ഡീലക്സ്, സ്ഥാനാര്‍ഥി സാറാമ്മ, ലോട്ടറി ടിക്കറ്റ്, കാര്യസ്ഥന്‍ തുടങ്ങിയവയാണ് പ്രധാന ചിത്രങ്ങള്‍. നടന്‍ പ്രേം നസീറുമായി കുട്ടിക്കാലം മുതലുള്ള അടുപ്പമാണ് ജി.കെ.പിള്ളയെ സിനിമയിലെത്തിച്ചത്. സിനിമയിലെത്തി 65 വര്‍ഷം പിന്നിടുന്ന ഘട്ടത്തിലാണ് അന്ത്യം.
97 വയസ്സായിരുന്നു. ജി.കേശവപിള്ള എന്നതാണ് യഥാര്‍ത്ഥ നാമം. നായര് പിടിച്ച പുലിവാല്‍, ജ്ഞാന സുന്ദരി, സ്ഥാനാര്‍ത്ഥി സാറാമ്മ എന്നിവയാണ് പ്രമുഖ സിനിമകള്‍. തിരുവനന്തപുരം മെഡിക്കല്‍ കോളജ് ആശുപത്രിയിലായിരുന്നു അ ന്ത്യം . വാര്‍ധക്യസഹജമായ അസുഖങ്ങളെ തുടര്‍ന്ന് കുറച്ചു ദിവസങ്ങളായി മെഡിക്കല്‍ കോളജില്‍ ചികിത്സയിലായിരുന്നു.
