ആദ്യ സിനിമ കൊണ്ട് തന്നെ പ്രേക്ഷകപ്രീതി നേടിയ താരമാണ് ഗോപിക രമേശ്. തണ്ണീര്‍മത്തന്‍ ദിനങ്ങള്‍ എന്ന ചിത്രത്തില്‍ ഡയലോഗുകള്‍ കുറവാണെങ്കിലും അവള്‍ക്ക് ഒരു വികാരവും ഇല്ല എന്ന ജയ്‌സന്റെ ഡയലോഗിലൂടെ ആണ് ഗോപിയുടെ കഥാപാത്രം മുന്നേറുന്നത്. സ്റ്റെഫി എന്ന തണ്ണീര്‍മത്തന്‍ ദിനങ്ങളിലെ ഗോപിയുടെ കഥാപാത്രം മൂളലുകളിലൂടെ മാത്രം ശ്രദ്ധേയമായി. ചിത്രത്തിനുശേഷം ഇന്‍സ്റ്റഗ്രാമില്‍ നിരവധി ഫോളോവേഴ്‌സ് ആണ് സ്റ്റെഫിക്ക് ലഭിച്ചത്. ജയ്‌സന്റെ ജൂനിയറായി ഗോപിക എത്തുകയും പിന്നീട് ഇരുവരും തമ്മില്‍ പ്രണയത്തിലാവുകയും അതിനുശേഷം ബ്രേക്ക് അപ്പ് ആവുകയും ചെയ്യുകയാണ് ചിത്രത്തില്‍.
സോഷ്യല്‍ മീഡിയയില്‍ സജീവമായ ഗോപികയ്ക്ക് ഇന്‍സ്റ്റഗ്രാമില്‍ രണ്ട് ലക്ഷത്തിനു മുകളില്‍ ആരാധകരുമുണ്ട്. തന്റെ പുത്തന്‍ ചിത്രങ്ങളും വീഡിയോകളുമെല്ലാം ഗോപിക ഇന്‍സ്റ്റാഗ്രാമിലൂടെ പങ്ക് വയ്ക്കാറുണ്ട്. അടുത്തിടെ തന്റെ ഗ്ലാമര്‍ ഫോട്ടോഷൂട്ടും ഗോപിക ഇന്‍സ്റ്റാഗ്രാമില്‍ പങ്കു വെച്ചിരുന്നു. വാങ്ക് എന്ന സിനിമയിലാണ് താരം അവസാനമായി അഭിനയിച്ചത്.
ഇപ്പോഴിതാ ഗോപിക ഇന്‍സ്റ്റാഗ്രാമില്‍ പങ്ക് വച്ച ഡാന്‍സ് വീഡിയോ വൈറലാകുകയാണ്. സുഹൃത്തുമൊത്തു ഫുട്‌ബോള്‍ ജേഴ്സിയില്‍ ഡാന്‍സ് ചെയ്യുന്ന വീഡിയോയാണത്. വൈക്കം സ്വദേശിനിയാണ് ഗോപിക.
View this post on Instagram
