ഈ വർഷം ഏത് നടന് അവകാശപ്പെട്ടതാണ് എന്ന് ചോദിച്ചാൽ ഒട്ടനവധി ഉത്തരങ്ങൾ പ്രേക്ഷകർ തരും. എന്നാൽ ഈ വർഷം ഏത് നിർമാതാവിന് അവകാശപ്പെട്ടതാണ് എന്ന് ചോദിച്ചാൽ നിസ്സംശയം പറയാൻ സാധിക്കും അത് ലിസ്റ്റിൻ സ്റ്റീഫന് ഉള്ളതാണെന്ന്. ഇപ്പോൾ കേരളത്തിലെ തീയേറ്ററിൽ നിറഞ്ഞ സദസ്സിൽ പ്രദർശനം തുടരുന്ന രണ്ടു ചിത്രങ്ങളും നിർമ്മിച്ചിരിക്കുന്നത് ലിസ്റ്റിൻ സ്റ്റീഫൻ തന്നെയാണ് എന്നത് ഈ വസ്തുതയെ കൂടുതൽ അടിവരയിടുന്നു.
ആൽവിൻ ആൻറണിയോടൊപ്പം ചേർന്നു മാർഗംകളി എന്ന ചിത്രമാണ് ഈ വർഷം ആദ്യം ലിസ്റ്റിൻ സ്റ്റീഫൻ നിർമ്മിച്ച ചിത്രം. പിന്നീട് പൃഥ്വിരാജ് നായകനായെത്തിയ ഓണ ചിത്രം ബ്രദേഴ്‌സ് ഡേയും ലിസ്റ്റിൻ സ്റ്റീഫൻ നിർമ്മിച്ചു. ഈ രണ്ടു ചിത്രങ്ങളും തിയറ്ററിൽ ശരാശരി അഭിപ്രായം മാത്രമാണ് നേടിയതെങ്കിലും ടോട്ടൽ ബിസിനസിൽ രണ്ടു ചിത്രങ്ങളും വിജയചിത്രങ്ങൾ ആയിത്തീർന്നു. പിന്നീട് ദളപതി വിജയ് നായകനായി എത്തിയ ബിഗിൽ കേരളത്തിൽ വിതരണത്തിനെത്തിച്ച് ലിസ്റ്റിൻ സ്റ്റീഫൻ വീണ്ടും കരുത്ത് കാണിച്ചു.ഈ തമിഴ് ചിത്രം ഈ വർഷത്തെ ഏറ്റവും വലിയ വിജയങ്ങളിൽ ഒന്നായി മാറുകയും ഒരു തമിഴ് ചിത്രത്തിന്റെ കേരളത്തിലെ ഇൻഡസ്ട്രിയൽ ഹിറ്റായി മാറുകയും ചെയ്തു. പക്ഷെ വൈഡ് റിലീസ് ചട്ടങ്ങൾ പാലിച്ചില്ല എന്നാരോപിച്ച് ലിസ്റ്റിനെ സംഘടന വിലക്കിയിരുന്നു .എന്നാൽ അതിലൊന്നും തളരാൻ അദ്ദേഹം തയ്യാറായില്ല.പിന്നാലെ നവംബറിൽ ആസിഫ് അലി നായകനായ കെട്ടിയോളാണ് എന്റെ മാലാഖ എന്ന ഗംഭീര ചിത്രം തിയറ്ററുകളിൽ എത്തിച്ചായിരുന്നു ലിസ്റ്റിൻ വിമർശകർക്ക് മറുപടി നൽകിയത്. മാലാഖ തിയറ്ററിൽ വിജയകരമായി അമ്പത് ദിവസം പൂർത്തിയാക്കുന്ന വേളയിൽ തന്നെ ലിസ്റ്റിൻ നിർമിച്ച അടുത്ത ചിത്രവും വലിയ ഹിറ്റിലേക്ക് നീങ്ങുകയാണ്. പ്രിഥ്വിരാജ് നായകനായി എത്തിയ ഡ്രൈവിംഗ് ലൈസൻസ് ഈ വർഷത്തെ ക്രിസ്ത്മസ് വിന്നർ ആണെന്ന് ഏറെക്കുറെ ഉറപ്പായി കഴിഞ്ഞു.പൃഥ്വിരാജിന്റെ പൃഥ്വിരാജ് പ്രൊഡക്ഷൻസും ഈ ചിത്രത്തിന്റെ സഹ നിർമാതാക്കളാണ്.
മാജിക്ക് ഫ്രെയിംസ് എന്ന ബ്രാൻഡ് മലയാളികൾക്ക് എത്രത്തോളം പ്രാധാന്യം നിറഞ്ഞതാണ് എന്ന് കാണിക്കുന്ന മറ്റൊരു ഗംഭീര വർഷം.ഈ വർഷത്തിന്റെ തുടർച്ചയെന്നോണം അടുത്ത വർഷവും ലിസ്റ്റിനെ തേടി ഒരു പിടി നല്ല ചിത്രങ്ങൾ എത്തുന്നുണ്ട്.ഈ വർഷത്തെ പോലെ തന്നെ അടുത്ത വർഷവും ലിസ്റ്റിന് ഒരു മനോഹര വർഷം സമ്മാനിക്കട്ടെയെന്ന് സിനിമാ ഡാഡി ആത്മാർത്ഥമായി ആശംസിക്കുന്നു
തിരഞ്ഞെടുക്കുന്ന കഥാപാത്രങ്ങളുടെ വൈവിധ്യം കൊണ്ട് മമ്മൂട്ടി എന്നും വിസ്‌യമിപ്പിക്കാറുണ്ട്. അതുകൊണ്ടു തന്നെ മമ്മൂട്ടി നായകനായെത്തുന്ന ഓരോ പുതിയ സിനിമയും പ്രേക്ഷകര്‍ക്ക്…
മലയാളികളുടെ ഇഷ്ടതാര ദമ്പതികളാണ് നടന് പൃഥ്വിരാജും, ഭാര്യ സുപ്രിയമേനോനും. തിരക്കുകളില്‍ നിന്നൊഴിഞ്ഞ് അവധി ആഘോഷത്തിലാണ് ഇരുവരും. ഒരുമിച്ചുള്ള കാര്‍ യാത്രയ്ക്കിടെ…
2023ലെ മികച്ച ചിത്രങ്ങൾക്കും ചലച്ചിത്ര പ്രവർത്തകർക്കുമുള്ള നാൽപത്തിയേഴാമത് ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച ജനപ്രിയ ചിത്രമായി ആർ ഡി…
മലയാളികളുടെ പ്രിയതാരം ടോവിനോ തോമസ് നായകനായി എത്തുന്ന 'നടികർ' നാളെ തിയറ്ററുകളിലേക്ക്. സൂപ്പർ സ്റ്റാർ ഡേവിഡ് പടിക്കൽ എന്ന കഥാപാത്രമായാണ്…
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…