ഏറെ പ്രേക്ഷകശ്രദ്ധ നേടിയ ചിത്രമായ ജനഗണമനയ്ക്ക് ശേഷം സുരാജ് വെഞ്ഞാറമൂട് വീണ്ടും പൊലീസ് വേഷത്തിൽ എത്തുന്ന ചിത്രമാണ് ഹെവൻ. ചിത്രത്തിന്റെ ട്രയിലർ റിലീസ് ചെയ്തു. ജൂൺ മാസത്തിൽ തന്നെ ചിത്രം തിയറ്ററുകളിൽ എത്തും. ജൂൺ പതിനേഴിനാണ് ചിത്രം തിയറ്ററുകളിൽ റിലീസ് ചെയ്യുന്നത്. ത്രില്ലർ ജോണറിൽ ഒരുക്കിയിരിക്കുന്ന ചിത്രത്തിന്റെ സംവിധാനം നിർവഹിച്ചിരിക്കുന്നത് ഉണ്ണി ഗോവിന്ദ് രാജാണ്. കട്ട് ടു ക്രിയേറ്റ് പിക്ച്ചേഴ്സിന്‍റെ ബാനറിൽ എഡി ശ്രീകുമാർ, രമ ശ്രീകുമാർ, കെ കൃഷ്ണൻ, ടി ആർ രഘുരാജ് എന്നിവരാണ് ചിത്രത്തിന്റെ നിർമാതാക്കൾ.
പി എസ് സുബ്രഹ്മണ്യൻ, ഉണ്ണി ഗോവിന്ദരാജ് എന്നിവർ ചേർന്നാണ് ചിത്രത്തിന്റെ രചന. ദീപക് പറമ്പോൽ, സുദേവ് നായർ, സുധീഷ്, അലൻസിയാർ, പത്മരാജ് രതീഷ്, ജാഫർ ഇടുക്കി, ചെമ്പിൽ അശോകൻ, ശ്രുതി ജയൻ, വിനയ പ്രസാദ്, ആശാ അരവിന്ദ്, രശ്മി ബോബൻ, അഭിജ ശിവകല, ശ്രീജ, മീര നായർ, മഞ്ജു പത്രോസ്, ഗംഗാ നായർ തുടങ്ങിയവരാണ് ചിത്രത്തിലെ മറ്റു പ്രമുഖ താരങ്ങൾ.
ഗോപി സുന്ദർ ആണ് സംഗീതം, എഡിറ്റർ – ടോബി ജോൺ, കല – അപ്പുണ്ണി സാജൻ, മേക്കപ്പ് – ജിത്തു, വസ്ത്രാലങ്കാരം – സുജിത്ത് മട്ടന്നൂർ, സ്റ്റിൽസ് – സേതു, പ്രേംലാൽ പട്ടാഴി, ഡിസൈൻ – ആനന്ദ് രാജേന്ദ്രൻ, അസോസിയേറ്റ് ഡയറക്ടർ – ബേബി പണിക്കർ, ആക്ഷൻ – മാഫിയ ശശി, ഓഡിയോഗ്രഫി – എം ആർ രാജാകൃഷ്ണൻ, സൗണ്ട് ഡിസൈൻ – വിക്കി, കിഷൻ.
