പാൻ ഇന്ത്യൻ സൂപ്പർ സ്റ്റാർ ദുൽഖർ സൽമാന്റെ ഏറ്റവും പുതിയ ചിത്രമാണ് ‘ഹേയ് സിനാമിക’. റൊമാന്റിക് കോമഡി ചിത്രമായി ഒരുക്കിയ ‘ഹേ സിനാമിക’ എന്ന ചിത്രത്തിനായി ദുൽഖർ ആരാധകരും സിനിമാപ്രേമികളും ഒരുപോലെ കാത്തിരിക്കുകയാണ്. ചിത്രത്തിന്റെ ട്രയിലർ ഇന്ന് എത്തും. മാർച്ച് മൂന്നിനാണ് ചിത്രം റിലീസ് ചെയ്യുന്നത്.
ചിത്രത്തിന്റെ സെൻസറിങ് പൂർത്തിയായി. ക്ലീൻ യു സർട്ടിഫിക്കറ്റ് ആണ് ചിത്രത്തിന് ലഭിച്ചിരിക്കുന്നത്. ഫെബ്രുവരി പതിനാറിന് വൈകുന്നേരം ആറു മണിക്ക് ട്രയിലർ റിലീസ് ചെയ്യുമെന്ന് അണിയറപ്രവർത്തകർ അറിയിച്ചു. പ്രശസ്ത നൃത്ത സംവിധായികയായ ബ്രിന്ദ മാസ്റ്റർ ആദ്യമായി സംവിധാനം ചെയ്ത ഈ ചിത്രം രചിച്ചിരിക്കുന്നത് മദൻ കർക്കിയാണ്.
ചിത്രത്തിലെ ഗാനങ്ങളും പോസ്റ്ററുകളും സോഷ്യൽ മീഡിയയിൽ ട്രെൻഡിങ് ആണ്. ജിയോ സ്റ്റുഡിയോയും ഗ്ലോബൽ വൺ സ്റ്റുഡിയോയും വയാകോം മോഷൻ പിക്ചേഴ്സും ചേർന്നാണ് ചിത്രം നിർമ്മിച്ചിരിക്കുന്നത്. കേരളത്തിൽ റിലീസ് ചെയ്യുന്നത് ദുൽഖർ സൽമാന്റെ പ്രൊഡക്ഷൻ ബാനർ ആയ വേഫേറർ ഫിലിംസ് ആണ്. കാജൽ അഗർവാൾ, അദിതി റാവു എന്നിവർ നായികമാരായി എത്തുന്ന ഈ ചിത്രത്തിന് സംഗീത സംവിധാനം നിർവഹിച്ചിരിക്കുന്നത് ഗോവിന്ദ് വസന്തയാണ്. ദൃശ്യങ്ങൾ ഒരുക്കിയത് പ്രീത ജയരാമൻ, എഡിറ്റ് ചെയ്തിരിക്കുന്നത് രാധ ശ്രീധർ എന്നിവരാണ്. നക്ഷത്ര നാഗേഷ്, മിർച്ചി വിജയ്, താപ്പ, കൗശിക്, അഭിഷേക് കുമാർ, പ്രദീപ് വിജയൻ കോതണ്ഡ രാമൻ, ഫ്രാങ്ക്, സൗന്ദര്യ, ജെയിൻ തോംപ്സൺ, നഞ്ഞുണ്ടാൻ, രഘു, സംഗീത, ധനഞ്ജയൻ, യോഗി ബാബു എന്നിവരും ഇതിന്റെ താരനിരയിൽ ഉണ്ട്.
