ഭാവന നായികയായി എത്തുന്ന കന്നഡ ചിത്രം ‘ഇന്‍സ്‌പെക്ടര്‍ വിക്ര’മിന്റെ ട്രയിലര്‍ പുറത്ത്. ചിത്രപ്രജ്വല്‍ ദേവരാജ് ആണ് ചിത്രത്തിലെ നായകന്‍. ചിത്രത്തിലെ ഗാനങ്ങള്‍ നേരത്തേ റിലീസ് ചെയ്തിരുന്നു. ഗാനങ്ങള്‍ക്ക് വരികളെഴുതിയത് ഖാദര്‍ ഹസ്സനും സംഗീതം നല്‍കിയത് അനൂപ് സീലിനുമാണ്.
അടുത്തിടെയായിരുന്നു ഭാവനയുടെ മൂന്നാം വിവാഹ വാര്‍ഷികം. 2018 ജനുവരി 22 നായിരുന്നു തൃശൂര്‍ തിരുവമ്പാടി ക്ഷേത്രനടയില്‍ വച്ച് കന്നട നിര്‍മ്മാതാവും ബിസ്സിനസ്സുകാരനുമായ നവീന്‍ ഭാവനയെ താലി ചാര്‍ത്തിയത്. ഭാവനയുടെ നിരവധി സുഹൃത്തുക്കള്‍ സമൂഹമാധ്യമങ്ങളിലൂടെ ഇരുവര്‍ക്കും വിവാഹ വാര്‍ഷികാശംസകള്‍ നേര്‍ന്നിരുന്നു.
നീണ്ട അഞ്ചുവര്‍ഷത്തെ പ്രണയത്തിനൊടുവിലായിരുന്നു ഭാവനയുടെയും നവീന്റെയും വിവാഹം. 2012ല്‍ ‘റോമിയോ’ എന്ന ചിത്രത്തിന്റെ ഷൂട്ടിങ്ങിനിടെയാണ് ഭാവനയും നവീനും പരിചയത്തിലാവുന്നത്. ‘റോമിയോ’ എന്ന ചിത്രത്തിന്റെ നിര്‍മ്മാതാവ് നവീന്‍ ആയിരുന്നു.
