തെന്നിന്ത്യൻ താരം അരവിന്ദ് സ്വാമിക്ക് ഒപ്പം കുഞ്ചാക്കോ ബോബനും ഒന്നിക്കുന്ന ‘ഒറ്റ്’ സിനിമയിലെ ഇരവേ ഗാനത്തിന്റെ ലിറിക്ക് വീഡിയോ എത്തി. ‘ഒരു മുഖം മനം തിരഞ്ഞിതാ..’ എന്നു തുടങ്ങുന്ന ഗാനം ഗുഡ്‌വിൽ എന്റർടയിൻമെന്റ്സിന്റെ യുട്യൂബ് ചാനലിലാണ് റിലീസ് ചെയ്തത്. ഓണം റിലീസ് ആയി എത്തുന്ന ചിത്രം സെപ്തംബർ രണ്ടിന് തിയറ്ററുകളിൽ പ്രദർശനം ആരംഭിക്കും. വിനായക് ശശികുമാർ വരികളെഴുതി അരുൾരാജ് കെന്നഡി ഈണമിട്ട ഗാനം ആലപിച്ചിരിക്കുന്നത് കെ എസ് ഹരിശങ്കർ ആണ്. മലയാളത്തിലും തമിഴിലുമായാണ് ചിത്രം എത്തുന്നത്. കുഞ്ചാക്കോ ബോബന്റെ ആദ്യ തമിഴ് സിനിമ കൂടിയാണ് ഒറ്റ്. തമിഴിൽ രണ്ടകം എന്ന പേരിലാണ് ചിത്രം എത്തുന്നത്. ത്രില്ലർ പശ്ചാത്തലത്തിലാണ് ഈ സിനിമ ഒരുക്കിയിരിക്കുന്നത്.
ചിത്രത്തിൽ കുഞ്ചാക്കോ ബോബൻ, അരവിന്ദ് സ്വാമി, ജാക്കി ഷ്രോഫ്, ഈഷ റേബ എന്നിവരാണ് പ്രധാന വേഷങ്ങളിൽ എത്തുന്നത്. കുഞ്ചാക്കോ ബോബനും അരവിന്ദ് സ്വാമിയും ആദ്യമായി ഒന്നിക്കുന്ന ചിത്രമെന്ന പ്രത്യേകതയും ഇതിനുണ്ട്. ടൊവിനോയെ നായകനാക്കി തീവണ്ടി ഒരുക്കിയ ഫെല്ലിനി ടി പിയാണ് ചിത്രം സംവിധാനം ചെയ്തത്. ദി ഷോ പീപ്പിളിന്റെ ബാനറിൽ തമിഴ് ഹീറോ ആര്യയും ഓഗസ്റ്റ് സിനിമാസിന്റെ ബാനറിൽ ഷാജി നടേശനും ചേർന്നാണ് ചിത്രം നിര്‍മ്മിച്ചിരിക്കുന്നത്.
ഗൗതം ശങ്കർ ഛായാഗ്രഹണം നിർവഹിക്കുന്ന സിനിമയുടെ എഡിറ്റർ അപ്പു ഭട്ടതിരിയായണ്. ആടുകളം നരേൻ, അമാൽഡ ലിസ്, ജിൻസ് ഭാസ്കർ, അനീഷ് ഗോപാൽ, സിയാദ് യദു എന്നിവരും മറ്റു കഥാപാത്രങ്ങളെ അവതരിപ്പിക്കുന്നു. വസ്ത്രാലങ്കാരം – സ്റ്റെഫി സേവ്യർ. മെയ്ക്കപ്പ് – റോണക്സ് സേവ്യർ. സൗണ്ട് ഡിസൈനർ- രംഗനാഥ് രവി. പ്രൊഡക്ഷൻ കൺട്രോളർ – സുനിത് ശങ്കർ ലൈൻ. പ്രൊഡ്യൂസർ- മിഥുൻ എബ്രഹാം, കൊറിയോഗ്രാഫർ – സജ്‌ന നജാം, ഡിജിറ്റൽ മാർക്കറ്റിങ്: ഒമ (ഓൺലൈൻ മീഡിയ അസോസിയേഷൻ)
