ഓം റൗട്ട് രാമായണത്തെ ആസ്‍പദമാക്കി ഒരുക്കുന്ന മനോഹര ചിത്രമാണ് ‘ആദിപുരുഷ്’. ചിത്രത്തില്‍ കേന്ദ്രകഥാപാത്രത്തെ അവതരിപ്പിക്കുന്നത് സൂപ്പർ താരം പ്രഭാസാണ്. പ്രഭാസ് സിനിമയില്‍ എത്തുന്നത് ശ്രീ രാമനായിട്ടാണ്. ഇപ്പോഴിതാ സീതയുടെ വേഷം ചെയ്യുന്നത് ബോളിവുഡ് യുവ നടി ക്രിതി സനോനാണെന്ന വിവരമാണ് പുറത്തുവരുന്നത്.ക്രിതിയെ സ്വാഗതം ചെയ്തുകൊണ്ട് പ്രഭാസ് സോഷ്യല്‍ മീഡിയയിലൂടെ കുറിപ്പും പങ്കുവെച്ചു. ക്രിതി സനോണിനൊപ്പമുള്ള ഫോട്ടോയും പ്രഭാസ് ഷെയര്‍ ചെയ്‍തിട്ടുണ്ട്.
View this post on Instagram
ഈ ചിത്രത്തിൽ ശ്രീ രാമന്റെ സഹോദരനായ ലക്ഷ്‍മണനായി എത്തുന്നത് സണ്ണി സിംഗ് ആണ്. ചിത്രത്തിന്റെ ഛായാഗ്രാഹകന്‍ ഖാര്‍തിക് പലാനിയാണ്. ഹിന്ദി കൂടാതെ തെലുങ്ക്, തമിഴ്, മലയാളം, കന്നഡ എന്നീ ഭാഷകളിലും ചിത്രം മൊഴിമാറ്റിയെത്തും. 2021ല്‍ ഷൂട്ടിംഗ് ആരംഭിച്ച്‌ 2022 ല്‍ തീയറ്ററില്‍ ചിത്രം എത്തിക്കാനാണ് പദ്ധതി. രാമ രാവണ യുദ്ധം പശ്ചാത്തലമാക്കിയാണ് ചിത്രം ഒരുക്കുന്നത്. സിനിമയിലെ അഭിനേതാക്കള്‍ക്കൊപ്പമുള്ള ഫോട്ടോ ഷെയ്‍തിരിക്കുകയാണ് പ്രഭാസ്. തിന്മയ്ക്ക് മുകളില്‍ നന്മയുടെ വിജയം എന്നാണ് ചിത്രത്തിന്റെ ടാഗ് ലൈന്‍. ചിത്രം നിർമ്മിക്കുന്നത് ടി-സീരിസാണ്.
