ബോളിവുഡിന്റെ പ്രിയപ്പെട്ട താരമാണ് ശ്രീലങ്കന്‍ വംശജയായ ജാക്വിലിന്‍ ഫെര്‍ണാണ്ടസ്. ഹൗസ് ഫുള്‍, മര്‍ഡര്‍, റേസ് 2 എന്നീ ചിത്രങ്ങളിലൂടെ ശ്രദ്ധേയയായ താരം ഗ്ലാമര്‍ കൊണ്ടും അഭിനയശേഷി കൊണ്ടുമാണ് ആരാധകരുടെ ഇഷ്ടം നേടിയത്. ആരാധകരെ ഞെട്ടിച്ചു കൊണ്ട് തന്റെ കിടിലന്‍ ചിത്രങ്ങള്‍ പങ്കു വെച്ചിരിയ്ക്കുകയാണ് ഇപ്പോള്‍ ജാക്വിലിന്‍ ഫെര്‍ണാണ്ടസ്. അസാദ്ധ്യമായ വിധം അത്ഭുതപ്പെടുത്തുന്ന മെയ് വഴക്കത്തോടെയുള്ള പോസുകളാണ് താരം പങ്കുവെച്ചിരിയ്ക്കുന്നത്. നൃത്തത്തിനും ഫിറ്റ്‌നസിനും പ്രാധാന്യം നല്‍കുന്ന ‘She Rox Life’ന്റെ ഭാഗമായാണ് ജാക്വിലിന്‍ പുതിയ ചിത്രങ്ങള്‍ പങ്കുവച്ചത്. ‘വരുന്നു, ഷി റോക്‌സ് ലൈഫ്’ എന്ന കുറിപ്പോടെയാണ് താരം ചിത്രങ്ങള്‍ പങ്കുവെച്ചത്. വ്യത്യസ്തമായ കാഴ്ചപ്പാടുള്ളവര്‍ക്കാണ് ജീവിതത്തില്‍ തിളങ്ങാനാകുന്നത്. അത് നിങ്ങള്‍ക്ക് സന്തോഷം നല്‍കും എന്നാണ് She Rox Life ന്റെ ഒഫീഷ്യല്‍ സോഷ്യല്‍ മീഡിയ പേജില്‍ ജാക്വിലിന്‍ ഫെര്‍ണാണ്ടസ് കുറിച്ചത്. വ്യത്യസ്തമായ രീതിയിലുള്ള അഞ്ചു ചിത്രങ്ങളാണ് താരം പങ്കുവച്ചത്. 
