വീണ്ടുമൊരു ത്രില്ലർ ചിത്രവുമായി എത്തിയ ജീത്തു ജോസഫ് പ്രേക്ഷകരെ നിരാശപ്പെടുത്തിയില്ല. ആസിഫ് അലിയെ നായകനാക്കി ജീത്തു ജോസഫ് ഒരുക്കിയ കൂമൻ മികച്ച പ്രേക്ഷക അഭിപ്രായം സ്വന്തമാക്കി തിയറ്ററുകളിൽ പ്രദർശനം തുടരുകയാണ്. മലയാളസിനിമയിൽ മികച്ച രീതിയിൽ ത്രില്ലർ കൈകാര്യം ചെയ്യാൻ തന്നേക്കാൾ മികച്ച ഒരാളില്ലെന്ന് ഉറപ്പിക്കുക കൂടിയാണ് ഈ സിനിമയിലൂടെ ജീത്തു ജോസഫ്. ഗിരി എന്ന കഥാപാത്രമായാണ് ചിത്രത്തിൽ ആസിഫ് അലി എത്തുന്നത്. ആസിഫ് അലിയുടെ കരിയറിലെ തന്നെ മികച്ച കഥാപാത്രമാണ് കൂമൻ സിനിമയിലേത് എന്നാണ് സിനിമ കണ്ടിറങ്ങിയ പ്രേക്ഷകർ ഒരേ സ്വരത്തിൽ പറയുന്നത്.
കൂമൻ സിനിമയുടെ ഫസ്റ്റ് ഹാഫ് ഗംഭീരം ആയിരുന്നെങ്കിൽ സെക്കൻഡ് ഹാഫ് അതിലേറെ ഗംഭീരം ആയി എന്നാണ് പ്രേക്ഷകർ കുറിക്കുന്നത്. പടം ശരിക്ക് ഞെട്ടിച്ചെന്ന് എത്രയും പെട്ടെന്ന് തിയറ്ററിലേക്ക് പോയാൽ ആസിഫ് അലിയുടെ ഗംഭീര പ്രകടനം കാണാമെന്നും കൂമൻ കണ്ടിറങ്ങിയ ചിലർ കുറിച്ചു. ഒരു സമയത്തും സിനിമ നമ്മെ നിരാശരാക്കുന്നില്ലെന്നും ഭൂരിഭാഗം സമയത്തും എന്ത് സംഭവിക്കും എന്ന ആകാംക്ഷ നിലനിർത്തിയിട്ടുണ്ടെന്നും പ്രേക്ഷകർ ഒറ്റ് സ്വരത്തിൽ പറയുന്നു.
മാജിക്ക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫനും അനന്യ ഫിലിംസിന്റെ ബാനറിൽ ആൽവിൻ ആന്റണിയുമാണ് കൂമൻ നിർമ്മിച്ചിരിക്കുന്നത്. കെ ആർ കൃഷ്ണകുമാറിന്റെതാണ് ചിത്രത്തിന്റെ രചന. നേരത്തെ ജിത്തു സംവിധാനം നിർവഹിച്ച ട്വെൽത്ത് മാൻ എഴുതിയതും കൃഷ്ണകുമാറായിരുന്നു. ഇവർ ഒന്നിക്കുന്ന രണ്ടാമത്തെ ചിത്രമാണിത്. ആസിഫ് അലിയെ കൂടാതെ രഞ്ജി പണിക്കർ, ബാബുരാജ്, മേഘനാഥൻ, ഹന്നാ രജി കോശി, ആദം അയൂബ്, ബൈജു, ജാഫർ ഇടുക്കി, പൗളി വിൽ‌സൺ, കരാട്ടേ കാർത്തിക്, ജോർജ്ജ് മരിയൻ, രമേശ് തിലക്, പ്രശാന്ത് മുരളി, അഭിരാം രാധാകൃഷ്ണൻ, രാജേഷ് പറവൂർ, ദീപക് പറമ്പോൾ, ജയിംസ് ഏലിയ, വിനോദ് ബോസ്, പ്രദീപ് പരസ്പരം, റിയാസ് നർമ്മകല എന്നീ വൻതാരനിരയും ‘കൂമൻ’ സിനിമയിലുണ്ട്. ചിത്രത്തിലെ മറ്റ് അണിയറ പ്രവർത്തകർ- സഹനിർമ്മാണം: ജയചന്ദ്രൻ കള്ളടത്ത്, മനു പത്മനാഭൻ നായർ, ആഞ്ജലീന ആന്റണി. പ്രൊജക്റ്റ് ഡിസൈനർ: ഡിക്സൺ പൊഡുത്താസ്. ഛായാഗ്രഹണം:സതീഷ് കുറുപ്പ്. എഡിറ്റിങ്ങ്:വി എസ് വിനായക്. പ്രൊഡക്ഷൻ കൺട്രോളർ: പ്രവീൺ മോഹൻ. വസ്ത്രാലങ്കാരം: ലിന്റാ ജിത്തു. കലാസംവിധാനം: രാജീവ്കോവിലകം. കോ-ഡയറക്ടർ: അർഫാസ് അയൂബ്. ചീഫ് അസോസിയേറ്റ് ഡയക്ടർ: സോണി ജി സോളമൻ. അഡ്മിനിസ്ട്രേഷൻ & ഡിസ്ട്രിബ്യൂഷൻ ഹെഡ് : ബബിൻ ബാബു, സംഗീതം: വിഷ്ണു ശ്യാം. ഗാനങ്ങൾ: വിനായക് ശശികുമാർ. ചമയം:രതീഷ് വിജയൻ. പിആർഒ: വൈശാഖ് സി. വടക്കേവീട്. കളറിസ്റ്റ്: ലിജുപ്രഭാകർ. വിഎഫക്സ്: ടോണി മാഗ് മിത്ത്. പരസ്യകല: തോട്ട് സ്റ്റേഷൻ.
