ഹോളിവുഡ് താരങ്ങളായ ജോണി ഡെപ്പും ആംബര്‍ ഹേര്‍ഡും തമ്മിലുള്ള മാനനഷ്ടക്കേസില്‍ ജോണി ഡെപ്പിന് അനുകൂല വിധി. ആംബുര്‍ ഹേര്‍ഡ് 15 ദശലക്ഷം ഡോളര്‍ നഷ്ടപരിഹാരം നല്‍കണമെന്ന് കോടതി വിധിച്ചു.
ആറ് ആഴ്ചത്തെ സാക്ഷി വിസ്താരത്തിനും ക്രോസ് വിസ്താരത്തിനുമൊടുവിലാണ് ജോണി ഡെപ്പിന് അനുകൂലമായി കോടതി വിധി പ്രഖ്യാപിച്ചത്. മൂന്ന് ദിവസങ്ങളിലായി ഏകദേശം 13 മണിക്കൂറോളം നീണ്ട ചര്‍ച്ചക്ക് ശേഷമാണ് കോടതി ആംബര്‍ ഹേര്‍ഡ് കുറ്റക്കാരിയെന്ന് കണ്ടെത്തിയത്. യുഎസിലെ ഫെയര്‍ഫാക്സ് കൗണ്ടി സര്‍ക്യൂട്ട് കോടതിയില്‍ ഏഴ് പേരടങ്ങുന്ന വിര്‍ജീനിയ ജൂറിയാണ് വിധി പറഞ്ഞത്. ആംബര്‍ ഹേര്‍ഡിന് രണ്ട് ദശലക്ഷം ഡോളര്‍ ഡെപ്പും നഷ്ടപരിഹാരം നല്‍കണം. കോടതി വിധിയില്‍ ജോണി ഡെപ്പ് നന്ദി പ്രകടിപ്പിച്ചു.
ജോണി ഡെപ്പിന് അനുകൂലമായ കോടതി വിധി വിധി ഹൃദയം തകര്‍ത്തെന്ന് ആംബര്‍ ഹേര്‍ഡ് വ്യക്തമാക്കി. തെളിവുകളുടെ കൂമ്പാരമുണ്ടായിട്ടും തനിക്ക് വിധി അനുകൂലമായില്ല. ഡെപ്പിന്റെ സ്വാധീനം അത്രമേല്‍ വലുതായതിനാലാണ് തനിക്ക് പ്രതികൂലമായ വിധി വന്നതെന്നും ഹേര്‍ഡ് പറഞ്ഞു.
