നടൻ ഉണ്ണി മുകുന്ദന് നായികയായി ജുറാസിക് വേൾഡിലെ താരം. കഴിഞ്ഞ ദിവസം റിലീസ് ആയ ജുറാസിക് വേൾഡ് ഡൊമിനിയൻ സിനിമയിൽ വരദ സേതു എന്ന മലയാളിയും അഭിനയിച്ചിരുന്നു. ഉണ്ണി മുകുന്ദനെ നായകനാക്കി ജയരാജ് ഒരുക്കുന്ന ‘പ്രമദവനം’ എന്ന ചിത്രത്തിലെ നായികയാണ് വരദ സേതു. വരദ ജനിച്ചത് കേരളത്തിൽ ആണെങ്കിലും ചെറുപ്പത്തിൽ തന്നെ ഇംഗ്ലണ്ടിലെ നോർത്ത് ഈസ്റ്റിലേക്ക് കുടുംബത്തോടൊപ്പം താമസം മാറിയ വ്യക്തിയാണ്.
നടൻ ഉണ്ണി മുകുന്ദൻ ആണ് തന്റെ നായികയുടെ വിശേഷങ്ങൾ സോഷ്യൽ മീഡിയയിലൂടെ പങ്കുവെച്ചത്. വളരെ രസകരമായ ഒരു കുറിപ്പിനൊപ്പം വരദയ്ക്കൊപ്പം ലൊക്കേഷനിൽ നിന്ന് പകർത്തിയ ചിത്രങ്ങളും ഉണ്ണി മുകുന്ദൻ പങ്കുവെച്ചു. രചന നാരായണൻകുട്ടി, രജിത്ത് മേനോൻ, മീര വാസുദേവൻ തുടങ്ങി നിരവധി താരങ്ങൾ ഉണ്ണി മുകുന്ദൻ പങ്കുവെച്ച പോസ്റ്റിന് താഴെ വരദയ്ക്ക് അഭിനന്ദനങ്ങളുമായി എത്തിയിട്ടുണ്ട്.
ഡോക്ടറായ മാതാപിതാക്കളുടെ മകളായ വരദയ്ക്ക് അഭയ എന്നൊരു ഇരട്ട സഹോദരിയുമുണ്ട്. ചെറുപ്പത്തിൽ തന്നെ ഇംഗ്ലണ്ടിൽ എത്തിയ വരദ ന്യൂകാസിൽ ഓൺ ടൈനിലാണ് വളർന്നത്. ദേശീയ യൂത്ത് തിയറ്ററിലെ അംഗമായിരുന്ന വരദ സേത്ത് ഡാം അലൻസ് സ്കൂളുകളിൽ ആയിരുന്നു വിദ്യാഭ്യാസം. 2010ലെ മിസ് ന്യൂ കാസിൽ മത്സരത്തിൽ വിജയി ആയിരുന്നു. ബ്രിസ്റ്റോൾ സർവകലാശാലയിൽ വെറ്ററിനറി മെഡിസിൻ പഠിച്ചു. ഭരതനാട്യവും മോഹിനിയാട്ടവും ചെറുപ്പം മുതലേ അഭ്യസിച്ചിട്ടുണ്ട്. ഇംപ്രഷൻസ് എന്ന ഹ്രസ്വചിത്രത്തിലൂടെ 2010ൽ അഭിനയത്തിലേക്ക് എത്തി. ബ്രിട്ടീഷ് ത്രില്ലറായ സ്‌കെറ്റ് എന്ന ചിത്രത്തില്‍ അഭിനയിച്ചു. ഇംഗ്ലീഷ്; ആന്‍ ഓട്ടം ഇന്‍ ലണ്ടന്‍, നൗ യു സീമീ തുടങ്ങിയ ചിത്രങ്ങളില്‍ അഭിനയിച്ചു.
View this post on Instagram
