മലയാളികളെ എക്കാലവും പൊട്ടിച്ചിരിപ്പിച്ച കൊണ്ടിരിക്കുന്ന നടൻ മുകേഷിന്റെ മകൻ ശ്രാവൺ നായകനായി അരങ്ങേറ്റം കുറിക്കുന്ന ചിത്രം എന്നതുകൊണ്ട് ശ്രദ്ധേയമായതാണ് രാജേഷ് നായർ സംവിധാനം നിർവഹിക്കുന്ന കല്യാണം. കൂടെ തെന്നിന്ത്യൻ സ്വപ്നറാണി നസ്രിയയുടെ രൂപസാദൃശ്യം കൊണ്ട് ശ്രദ്ധേയയായ വർഷ ബൊല്ലമ്മയും മലയാളത്തിൽ അരങ്ങേറ്റം കുറിക്കുന്നുവെന്നതും കല്യാണത്തിന് ഒരുങ്ങാൻ പ്രേക്ഷകർക്ക് ഊർജ്ജമേകി.
ഒരു പൈങ്കിളി ലവ് സ്റ്റോറിയെന്ന ഹാഷ്ടാഗുമായി വന്ന് അതിനോട് പൂർണമായും നീതി പുലർത്തിയ ചിത്രം. സോൾട് മാംഗോ ട്രീ, എസ്കേപ്പ് ഫ്രം ഉഗാണ്ട എന്നീ ചിത്രങ്ങൾ അണിയിച്ചൊരുക്കിയ രാജേഷ് നായർ സംവിധാനം ചെയ്യുന്ന കല്യാണം പേരിലെ പോലെ തന്നെ ഒരു കല്യാണത്തെ ചുറ്റിപ്പറ്റിയുള്ള ഒരു ചിത്രമാണ്. ശരത്തിന്റെ അയൽക്കാരിയും ചെറുപ്പം മുതലേയുള്ള കളിക്കൂട്ടുകാരിയുമാണ് ശാരി. കാലം ചെല്ലുന്തോറും അവർ തമ്മിലുള്ള അകലം കൂടിയെങ്കിലും ശരത്തിന് ശാരിയോട് പ്രണയം വർദ്ധിച്ചതേയുള്ളൂ. അത് തുറന്നു പറയുവാൻ ശരത് നടത്തുന്ന ശ്രമങ്ങളാണ് ചിത്രം പ്രേക്ഷകരുടെ മുൻപിലേക്ക് അവതരിപ്പിച്ചുകാട്ടുന്നത്. ഒരു തുടക്കകാരന്റെ എല്ലാ വിധ പതർച്ചയും ശ്രാവണിൽ പ്രകടമായിരുന്നു. എന്നിരുന്നാലും മലയാളത്തിൽ കൂടുതൽ ചിത്രങ്ങളിലൂടെ പ്രേക്ഷകരുടെ കൂടുതൽ ഇഷ്ടം പിടിച്ചുപറ്റുവാൻ ശ്രാവനാകുമെന്നാണ് വിശ്വാസം. ശാരിയായി മലയാളത്തിലേക്കുള്ള തന്റെ അരങ്ങേറ്റം വർഷ ബൊല്ലമ്മയും ഒട്ടും മോശമാക്കിയില്ല. മുകേഷ്, ശ്രീനിവാസൻ, ഹരീഷ് കണാരൻ, ഗ്രിഗറി, ധർമജൻ, ഇന്ദ്രൻസ്, മാല പാർവതി തുടങ്ങിയവരാണ് താരനിര. ടിപ്പിക്കൽ സ്റ്റോറിലൈനിൽ ഹൈ ലൈറ്റായി നിന്നത് പ്രകാശ് അലക്സ് ഒരുക്കിയ ഗാനങ്ങളും BGMഉം ആണ് . എന്തായാലും ഏറെ റിസ്കുകളും ആഘോഷങ്ങളും നിറഞ്ഞ കല്യാണത്തിലൂടെ അരങ്ങേറ്റം കുറിച്ച താരപുത്രഗണത്തിലെ പുതിയ അംഗം ശ്രാവൺ മുകേഷിന് എല്ലാവിധ ഭാവുകങ്ങളും നേരുന്നു
പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക് ശേഷം.മികച്ച അഭിപ്രായമാണ്…
സംവിധായകൻ തരുൺ മൂർത്തി ഒരുക്കുന്ന അടുത്ത ചിത്രത്തിൽ നായകരായി എത്തുന്നത് മോഹൻലാലും ശോഭനയും. നടി ശോഭന തന്നെയാണ് തന്റെ സോഷ്യൽ…
ജനപ്രിയ നായകൻ ദിലീപ് നായകനായി എത്തുന്ന പുതിയ ചിത്രം 'പവി കെയർ ടേക്കർ' ട്രയിലർ റിലീസ് ചെയ്തു. ഹാസ്യവും അതിനൊപ്പം…
സൂപ്പർ ഹിറ്റ് ആയിരുന്ന രാമലീല എന്ന ചിത്രത്തിന് ശേഷം ദിലീപിന് ഒപ്പം വീണ്ടും നടി രാധിക ശരത് കുമാർ. വിനീത്…
യുവനടൻമാരായ ധ്യാൻ ശ്രീനിവാസൻ, പ്രണവ് മോഹൻലാൽ, നിവിൻ പോളി എന്നിവരെ നായകരാക്കി വിനീത് ശ്രീനിവാസൻ സംവിധാനം ചെയ്ത ചിത്രമാണ് വർഷങ്ങൾക്ക്…
ജനപ്രിയ നായകൻ ദിലീപ് നായകനായി എത്തുന്ന ഏറ്റവും പുതിയ ചിത്രമാണ്. ചിത്രത്തിലെ 'പിറകിലാരോ വിളിച്ചോ, മധുരനാരകം പൂത്തോ' എന്ന വിഡിയോ…