ഇന്ത്യന്‍ 2 സംവിധായകന് ഷങ്കറിന് ആഢംബര വാച്ച് സമ്മാനിച്ച് കമല്‍ഹാസന്‍. ട്വിറ്ററിൽ കമൽ ഹാസൻ തന്നെയാണ് ഇക്കാര്യം അറിയിച്ചത്. ചിത്രത്തിന്റെ പ്രധാന ഭാഗങ്ങൾ കണ്ടതിനു പിന്നാലെയാണ് ഷങ്കറിന് ഒരു ആഢംബര വാച്ച് സമ്മാനിച്ചത്. ലക്ഷ്വറി ബ്രാൻഡ‍ായ പാനെറായി വാച്ചാണ് താരം ഷങ്കറിന് സമ്മാനിച്ചത്. ഈ വാച്ചിന്‍റെ തുടക്ക വില തന്നെ 4 ലക്ഷത്തിലാണ് ആരംഭിക്കുന്നത്.
‘ഇന്ത്യൻ 2 വിന്‍റെ പ്രധാന ഭാഗങ്ങൾ ഇന്ന് കണ്ടു, ഷങ്കറിന് എന്റെ എല്ലാവിധ ഭാവുകങ്ങളും നേരുന്നു. ഷങ്കറിന്‍റെ കലാജീവിതത്തിലെ ഏറ്റവും ഉയർന്ന കാലഘട്ടമാണിത്. കൂടുതൽ ഉയരങ്ങൾ ഇനിയും താണ്ടണം’ – ഷങ്കറിന് വാച്ച് നൽകുന്ന വീഡിയോ പങ്കുവെച്ച് കമൽ ഹാസൻ കുറിച്ചു. ചിത്രത്തില്‍ കമലിന്‍റെ ഭാഗങ്ങള്‍ തീര്‍ന്നുവെന്നാണ് റിപ്പോര്‍ട്ട്.
പ്രേക്ഷകര്‍ ഏറെ കാത്തിരിക്കുന്ന ചിത്രമാണ് ഇന്ത്യന്‍ 2. കൊവിഡിന് മുന്‍പ് ആരംഭിച്ചതാണെങ്കിലും ഇടക്കാലത്ത് വിവിധ കാരണങ്ങള്‍ കൊണ്ട് ചിത്രം മുടങ്ങിയിരുന്നു. എന്നാല്‍, കമല്‍ഹാസന്‍ വിക്രം എന്ന ചിത്രത്തിലൂടെ തിരിച്ചുവന്നതിന് പിന്നാലെ ഇന്ത്യന്‍ 2 വീണ്ടും ആരംഭിക്കുകയായിരുന്നു. സ്വന്തം സിനിമകൾക്ക് പിന്നാലെ സംവിധായകർക്ക് സമ്മാനങ്ങൾ നൽകുന്നതിൽ മടി കാണിക്കാത്ത താരമാണ് കമൽ ഹാസൻ. വിക്രം സിനിമയുടെ വമ്പൻ വിജയത്തിനു പിന്നാലെ ലോകേഷ് കനകരാജിന് കമൽ ഹാസൻ ലെക്സസ് കാർ സമ്മാനിച്ചത് വാർത്തയായിരുന്നു.
‘இந்தியன் 2’ படத்தின் பிரதான காட்சிகளை இன்று பார்த்தேன். என் உளமார்ந்த வாழ்த்துகள் @shankarshanmugh
இதுவே உங்கள் உச்சமாக இருக்கக் கூடாது என்பதும் என் அவா. காரணம், இதுதான் உங்கள் கலை வாழ்வின் மிக உயரமான நிலை. இதையே உச்சமாகக் கொள்ளாமல் திமிறி எழுங்கள். பல புதிய உயரங்கள் தேடி.… pic.twitter.com/Mo6vDq7s8B
— Kamal Haasan (@ikamalhaasan) June 28, 2023
