‘നിങ്ങൾ ഭാഗ്യവാനാണ് മമ്മൂട്ടി, നിങ്ങൾ താണ്ടിയ ഉയരങ്ങൾ കാണാൻ നിങ്ങളുടെ ഉമ്മയ്ക്ക് സാധിച്ചു’; ഹൃദയം തൊടുന്ന കുറിപ്പുമായി കമൽഹാസൻ

കഴിഞ്ഞദിവസം ആയിരുന്നു മലയാളത്തിന്റെ പ്രിയനടൻ മമ്മൂട്ടിയുടെ മാതാവ് അന്തരിച്ചത്. തൊണ്ണൂറ്റി മൂന്നാം വയസിൽ ആയിരുന്നു മമ്മൂട്ടിയുടെ മാതാവ് ഫാത്തിമ ഇസ്മായിൽ വിട പറഞ്ഞത്. വെള്ളിയാഴ്ച പുലർച്ചെ കൊച്ചിയിലെ സ്വകാര്യ ആശുപത്രിയിൽ വെച്ചായിരുന്നു അന്ത്യം. സിനിമാലോകത്ത് നിന്ന് നിരവധി പേരായിരുന്നു മമ്മൂട്ടിയുടെ മാതാവിന്റെ മരണത്തിൽ അനുശോചനം രേഖപ്പെടുത്തിയത്.

മമ്മൂട്ടിയുടെ മാതാവിന്റെ മരണത്തിൽ നടൻ കമൽ ഹാസൻ കുറിച്ച ട്വീറ്റ് ആണ് സോഷ്യൽ മീഡിയയിൽ വൈറലാകുന്നത്. മമ്മൂട്ടി ജീവിതത്തിൽ താണ്ടിയ ഉയരങ്ങൾ ജീവിച്ചിരിക്കുമ്പോൾ കാണാൻ മമ്മൂട്ടിയുടെ അമ്മയ്ക്ക് സാധിച്ചത് മമ്മൂട്ടിയുടെ ഭാഗ്യമാണെന്ന് കമൽ ഹാസൻ കുറിച്ചു.

‘പ്രിയ. സുഹൃത്ത് മമ്മൂക്ക, താങ്കളുടെ അമ്മയുടെ വിയോഗവാർത്ത കേട്ടു. ജീവിച്ചിരിക്കുമ്പോൾ താങ്കൾ നേടിയ ഉയർച്ച കാണാൻ ഉമ്മയ്ക്ക് സാധിച്ചത് താങ്കളുടെ ഭാഗ്യമാണ്. വലിയ സംതൃപ്തിയോടെ ആയിരിക്കണം ഉമ്മ യാത്രയായത്. സമയത്തിന് മാത്രമേ നിങ്ങൾ അനുഭവിക്കുന്ന വേദന സുഖപ്പെടുത്താൻ കഴിയൂ. നിങ്ങളുടെ ദുഃഖത്തിൽ പങ്കുചേരുന്നു’ – കമൽ ഹാസൻ ട്വിറ്ററിൽ കുറിച്ചു.

Dear friend @mammukka ,
Heard of your mother’s demise. You are fortunate that your mother lived to see the heights you have reached . She must have left with great satisfaction. Only time will heal your pain . I share your grief .

— Kamal Haasan (@ikamalhaasan) April 22, 2023