ബോളിവുഡ് താരം കരീന കപൂർ രണ്ടാമതും അമ്മയാകാനുള്ള തയ്യാറെടുപ്പിലാണ്, തങ്ങൾക്ക് രണ്ടാമത്തെ കുട്ടി ജനിക്കാൻ പോകുന്ന വിവരം ഇരുവരും സോഷ്യൽ മീഡിയ വഴി ആരാധകരെ അറിയിച്ചിരുന്നു. താര കുടുംബത്തെ പോലെ കുഞ്ഞിനെ കാണാൻ ആരാധകരും ആകാംക്ഷയോടെ കാത്തിരിക്കുകയാണ്. ഇപ്പോഴിതാ തന്‍റെ പുത്തന്‍ ചിത്രങ്ങളാണ് കരീന ഇന്‍സ്റ്റഗ്രാമിലൂടെ പങ്കുവച്ചിരിക്കുന്നത്. നിറവയറുമായി യോഗ ചെയ്യുന്ന താരത്തിന്റെ ചിത്രങ്ങളാണ് സോഷ്യൽ മീഡിയയിൽ ശ്രദ്ധേയമാകുന്നത്. പ്യൂമ എന്ന ബ്രാൻഡിന് വേണ്ടിയാണ് താരം യോഗ മോഡലിംഗ് നടത്തിയിരിക്കുന്നത്.
ഗര്ഭകാലത്തുള്ള കരീനയുടെ വസ്ത്രധാരണവും ഏറെ ശ്രദ്ധ നേടുകയാണ്, വളരെ സിംപിൾ ആയിട്ടുള്ള വസ്ത്രങ്ങളാണ് കരീന തിരഞ്ഞെടുക്കുന്നത്, കാഫ്താനും ഡ്രസ്സുമൊക്കെ ധരിച്ചുള്ള കരീനയുടെ ചിത്രങ്ങള്‍ സോഷ്യൽ മീഡിയയിൽ വൈറൽ ആയിരുന്നു. ഏറെ നാളത്തെ പ്രണയത്തിന് ശേഷം 2012-ലാണ് കരീനയും സെയ്ഫും വിവാഹിതരാകുന്നത്. ലോക്ക്ഡൗൺ കാലത്തായിരുന്നു രണ്ടാമതും കുഞ്ഞ് ജനിക്കാൻ പോകുന്ന വിവരം താരകുടുംബം വെളിപ്പെടുത്തിയത്.
