ബോളിവുഡ് താരം കരീന കപൂർ രണ്ടാമതും അമ്മയാകാനുള്ള തയ്യാറെടുപ്പിലാണ്, തങ്ങൾക്ക് രണ്ടാമത്തെ കുട്ടി ജനിക്കാൻ പോകുന്ന വിവരം ഇരുവരും സോഷ്യൽ മീഡിയ വഴി ആരാധകരെ അറിയിച്ചിരുന്നു, താര കുടുംബത്തെ പോലെ കുഞ്ഞിനെ കാണാൻ ആരാധകരും ആകാംക്ഷയോടെ കാത്തിരിക്കുകയാണ്. ഇപ്പോഴിതാ തന്‍റെ പുത്തന്‍ ചിത്രങ്ങളാണ് കരീന ഇന്‍സ്റ്റഗ്രാമിലൂടെ പങ്കുവച്ചിരിക്കുന്നത്. നിറവയറുമായി നിൽക്കുന്ന കരീനയെ ആണ് ചിത്രത്തില്‍ കാണുന്നത്.
നിറവയറിൽ സുന്ദരിയായി നിൽക്കുന്ന താരത്തിന്റെ ചിത്രം ഇതിനോടകം ആരാധകർ ഏറ്റെടുത്ത് കഴിഞ്ഞു. സാദാരണ സ്ത്രീകൾ ഗർഭകാലത്ത് അയഞ്ഞ വസ്ത്രങ്ങൾ ആണ് ധരിക്കാറുള്ളത്. എന്നാൽ കരീന ഇപ്പോൾ ഇറുകിയതും ശരീരത്തോട് ഒട്ടി ചേർന്ന് നിൽക്കുന്നതുമായ തരത്തിലെ വസ്ത്രം ആണ് ധരിച്ചിരിക്കുന്നത്.താരത്തിന്റെ വസ്ത്രധാരണവും ശ്രദ്ധ നേടിയിരിക്കുകയാണ് ഇപ്പോൾ. വസ്ത്രധാരണത്തിൽ എന്നും പ്രത്യേകം ശ്രദ്ധിക്കുന്ന കരീന വസ്ത്രങ്ങൾക്ക് ചേർന്ന ആഭരണങ്ങളും തിരഞ്ഞെടുക്കാറുണ്ട്. ഇവയെല്ലാം തന്നെ പ്രേക്ഷക ശ്രദ്ധ നേടാറുമുണ്ട്. 
ഗർഭിണി ആണെന്ന് കരുതി വീട്ടിൽ ഇരിക്കാൻ തന്നെ കിട്ടില്ല എന്നാണ് കരീന പറയുന്നത്, അമ്മയാകുക എന്നത് രോഗാവസ്ഥ അല്ല. അതിനാൽ തന്നെ എപ്പോഴും വീട്ടിലിരിക്കാൻ കഴിയില്ല എന്നും കരീന ഒരു അഭിമുഖത്തില്‍ പറഞ്ഞു. ഗര്‍ഭിണിയായ കരീനയുടെ വസ്ത്രധാരണവും ഫാഷന്‍ ലോകത്ത് ഇപ്പോള്‍ ചര്‍ച്ചാവിഷയമാണ്.
