പ്രശാന്ത് നീല്‍ ഒരുക്കിയ കെജിഎഫ് 2 രാജ്യത്താകെ വന്‍ തരംഗം സൃഷ്ടിച്ച് മുന്നേറുകയാണ്. ഇപ്പോഴിതാ കെജിഎഫ് 2 ന് കേരളത്തിൽ നിന്നും ലഭിച്ചിരിക്കുന്ന കളക്ഷൻ കണക്കുകള്‍ പുറത്തെത്തിയിരിക്കുകയാണ്. നാല് ദിവസങ്ങൾ കൊണ്ട് 28 കോടിയാണ് ചിത്രം കേരളത്തിൽ നിന്നും മാത്രമായി നേടിയത്. 546 കോടിയാണ് വേൾഡ് വൈഡ് കളക്ഷൻ നേടിയിരിക്കുന്നത്. ആന്ധ്ര/ തെലുങ്കാന – 78 കോടി, ഹിന്ദി – 225 കോടി, തമിഴ്‌നാട് – 30 കോടി എന്നിങ്ങനെയാണ് മറ്റ് കളക്ഷനുകൾ. അതേ സമയം വിജയ് നായകനായ ബീസ്റ്റ് 9.80 കോടിയാണ് അഞ്ച് ദിനങ്ങൾ കൊണ്ട് കേരളത്തിൽ നിന്നും നേടിയിരിക്കുന്നത്.
#Kerala BO – 1st Weekend :
1. #KGFChapter2 – ₹ 28 Crs (4 Days)
2. #Beast – ₹ 9.80 Crs (5 Days)
A state where #KGF2 took everyone by surprise.. Pre-release, this was unimaginable..
— Ramesh Bala (@rameshlaus) April 19, 2022
ഏപ്രില്‍ പതിനാലിനായിരുന്നു കെജിഎഫ് 2 ലോകമെമ്പാടും തീയറ്ററുകളില്‍ റിലീസ് ചെയ്തത്. ആദ്യ ഭാഗത്തെ അപേക്ഷിച്ച് വന്‍ വിജയം കൊയ്യുകയാണ് രണ്ടാം ഭാഗം. കന്നഡ, തമിഴ്, തെലുങ്ക്, മലയാളം, ഹിന്ദി പതിപ്പുകള്‍ എല്ലാം ചേര്‍ന്ന് ആദ്യ രണ്ട് ദിനങ്ങളില്‍ നേടിയ ആഗോള ഗ്രോസ് 240 കോടിയാണ്. ചിത്രം വൈകാതെ ആയിരം കോടി ക്ലബ്ബില്‍ ഇടംപിടിച്ചേക്കുമെന്നാണ് സൂചനകള്‍.
കെജിഎഫ് ആദ്യ ഭാഗത്തിന് സമാനമായി യാഷാണ് രണ്ടാം ഭാഗത്തിലും നായകനായി എത്തുന്നത്. സഞ്ജയ് ദത്ത് ആണ് അധീര എന്ന പ്രതിനായക കഥാപാത്രത്തെ അവതരിപ്പിക്കുന്നത്. ശ്രീനിധി ഷെട്ടി, രവീണ ടണ്ഠന്‍, പ്രകാശ് രാജ്, മാള്‍വിക അവിനാശ്, അച്യുത് കുമാര്‍, അയ്യപ്പ പി ശര്‍മ്മ, റാവു രമേശ്, ഈശ്വരി റാവു, അര്‍ച്ചന ജോയ്‌സ്, ടി എസ് നാഗഭരണ തുടങ്ങി വന്‍ താരനിരയാണ് ചിത്രത്തില്‍ അണിനിരക്കുന്നത്.
ഏപ്രില്‍ 13നാണ് ബീസ്റ്റ് റിലീസ് ചെയ്തത്. ‘ഡോക്ടറി’ന് ശേഷം നെല്‍സണ്‍ ദിലീപ്കുമാര്‍ സംവിധാനം ചെയ്ത ചിത്രത്തിന് സമ്മിശ്ര പ്രതികരണങ്ങളാണ് ലഭിക്കുന്നത്. എന്നാല്‍ സിനിമയ്ക്ക് മികച്ച ബോക്‌സോഫീസ് കളക്ഷന്‍ തന്നെ ലഭിക്കുന്നുണ്ട്. ചിത്രം ഇതിനകം 150 കോടിയ്ക്ക് മുകളില്‍ കളക്റ്റ് ചെയ്തതായാണ് റിപ്പോര്‍ട്ട്.
