90കളിലെ പ്രേക്ഷകരുടെ പ്രിയ നായികയായിരുന്ന ഖുശ്‌ബു ഇപ്പോൾ രാഷ്ട്രീയ പ്രവർത്തനത്തിനാണ് കൂടുതൽ ഊന്നൽ നൽകുന്നത്. ഇന്ത്യൻ നാഷണൽ കോൺഗ്രസ് പാർട്ടിയുടെ ദേശീയ വക്താവാണ് ഖുശ്‌ബു. ഭരണപക്ഷമായ ബിജെപിക്കെതിരെ പലപ്പോഴും വാക്ശരങ്ങൾ താരം തൊടുത്തു വിടാറുമുണ്ട്. ഇപ്പോഴിതാ തന്നെ ബലാത്‌സംഗം ചെയ്യുമെന്ന് വിളിച്ച് ഭീഷണിപ്പെടുത്തുന്നവന്റെ പേരും ഫോൺ നമ്പറും വെളിപ്പെടുത്തിയിരിക്കുകയാണ് നടി. സഞ്ജയ് ശർമ്മ എന്ന് പേരുള്ള അയാൾ കൊൽക്കത്തയിൽ നിന്നുമാണ് വിളിക്കുന്നതെന്നും കൊൽക്കത്ത പോലീസ് ഇതിൽ ഇടപെടണമെന്നും നടി ട്വീറ്റ് ചെയ്തിട്ടുണ്ട്.
I have been getting calls threatening for rape from this number. #SanjaySharma name reflects. This call is made from Kolkata. I request @KolkataPolice to kindly look into this immediately. pic.twitter.com/Aqem3pNv48
— KhushbuSundar ❤️ (@khushsundar) August 5, 2020
മുസ്ലിമായത് കൊണ്ട് താൻ റേപ്പ് ചെയ്യപ്പെടാൻ അർഹയാണെന്ന് ഭീഷണിപ്പെടുത്തുന്നവൻ വെളിപ്പെടുത്തിയെന്ന് പറഞ്ഞ നടി പ്രധാനമന്ത്രിയോട് ഇതാണോ ശരിക്കുമുള്ള രാമരാജ്യം എന്നും ചോദ്യം ചെയ്യുന്നുണ്ട്. ബംഗാൾ മുഖ്യമന്ത്രിയായ മംമ്ത ബാനർജിയോടും ഈ വിഷയത്തിൽ ഇടപെടുവാൻ ഖുശ്‌ബു ആവശ്യപ്പെട്ടിട്ടുണ്ട്. ഇത് എനിക്ക് സംഭവിക്കാമെങ്കിൽ മറ്റ് സ്‌ത്രീകളുടെ അവസ്ഥ എന്തായിരിക്കുമെന്നാണ് താരം ചോദിക്കുന്നത്.
The man from where the calls were made says i deserve to be raped because I am a muslim. Will our @PMOIndia pls tell me of this is the actual bhoomi of #LordRam ?
— KhushbuSundar ❤️ (@khushsundar) August 5, 2020
